Popular Bible Verses from Luk 6

Share

A 'nyɩ ɩya ma 'ka anyɩ 'nyɩ. Sa ma 'ka ‑bɩɔlʋʋa 'nanɩ yeli, ʋ 'ka 'kʋmɩanɩ, ma 'kʋʋ 'kʋko, ma 'kʋ 'dɩdɔ ɩya ma 'ka ala loku nɩkplaan 'kɔsɔ. ‑Masa ‑bɩɔlʋʋa a cɩ 'ka 'lɛ 'ma na, ʋmʋ cɩ 'ka 'lɛ anyɩ ‑ma ala ‑bɩɔlʋʋ 'plɩ.»

Na, ncaananɔ, wɔɔnanɩ ‑ɩ 'wlʋlʋɔ 'lɛ pɔlɛ 'ciin. 'Nyɩ ncaanyunyo, wɔɔnyinyi 'wlʋlʋɔ 'lɛ pɔlɛ 'ciin. Na, ɩmɩa ‑ɩ yee 'lɛ nclɔɔ 'la pɔlɛa nɩkplaan na, ɩmɩ ‑ɩ 'wlʋlʋɔ 'lɛ neen.

‑Ma anyɩ, a wabha ala ‑zɔbhɛlɩgbanya, a nʋ 'nanɩ, a ‑gbla, ɩya a 'la 'matɩa le ma 'ka anyɩ cala. 'Dɛ ala dluuplʋlɩɛ cɩ 'ka 'lɛ 'yɛpɩ ‑laagɔɔn 'ghlibholi, ɩya a 'ka 'lɛ 'Kʋzilo Laagɔa 'la 'cuo 'plɩ. Sa ɔla dananɔa ŋeni ‑dufleenya ɩya ‑abhɔlɛnya 'kʋ.

Na, 'naa ala gbɩ nama le saa a To 'la gbɩ nanɩ 'lɛ na.

A 'la ‑plaa a 'ye 'tɩtɩ ɩya ma 'la ka anyɩ 'tɩtɩpla. A 'la ‑salɩa a 'ye 'ge ɩya ma 'la ka anyɩ 'ge ‑salɩ. A va ɩya ma 'ka anyɩ va.

Zozii ya ‑awlɛ 'cla lebhe: «N solu anyɩ, anyɩa ‑ɔ ‑poon 'lɛ 'nyukwliin na. A wabha ala ‑zɔbhɛlɩgbanya, a nʋ maa ‑ɔ ‑zɔɔ 'lɛ anyɩ na 'nanɩ, a palɩ maa ‑ɔ pa 'lɛ anyɩ na 'nyu ɩya a bhibhie maa ‑ɔ sa 'lɛ anyɩ gbaylɩ na 'la da.

'Nyɩ ɩmɩa a ‑wa 'lɛ le ncɛlɩ nʋ anyɩ cɩ na, anyɩ ‑ma a nʋmʋɩ maa cɩ.

Gbazɩ nclɔɔ ‑kɔɔ ‑kpacɔ 'sɛpɛ na, ‑tlɔɔ ‑da ‑naanʋa. Nclɔɔ ‑ka ‑naa bibielʋʋa 'ma na, teo ne ɩya ɔ 'mamʋ ‑naa 'janpaa. Ncaatʋtʋʋntʋa ‑ɔ 'clalɩɔ 'lɛ na, 'maa 'nyɩɔ. 'Nyɩ nclɔɔ ‑ka ‑naa 'nanɩ 'ma na, ‑naa 'clalɩɔ mɩ.

Su 'nanʋʋ tlʋ 'ta 'canyinyi. 'Sɛtɛɛ bhlogbɩɩ su ‑nyunyu tlʋ 'ta 'lɛ 'ca 'nana.

‑Masa su 'la 'ca nɩkplaan ma cibhlililiu 'lɛ. Na, maa cɩ 'ta 'figica 'ŋusu 'ciin ‑salɩ 'nyɩ maa cɩ 'ta ‑ghlɛzɛɛnca 'ŋubhlukpo 'ciin ‑salɩ.