Popular Bible Verses from Zan 14

Share

Pupue n te 'lɛ anyɩ, 'na pupuea n nyɩ 'lɛ anyɩ. N nyɩ 'tɛɛ anyɩ ‑laagɔzɔan 'bhisa. Pɔɔvʋ 'la bhlaa anyɩ, pɔlɛɛn 'la 'wlʋa anyɩ.

‑Ma Zozii yɔɔ 'cla lebhe: «‑Amʋ ‑glɩ 'lɛ ‑gugwiea, ‑nʋawlɛa ɩya jabhʋa. Nclɔɔ bhlogbɩɩ cɩ 'ta Toa cɩ mʋ, ɩ ‑ka ‑kʋ lebhe ɔ 'taan 'kʋ 'plɩlɩ na.»

«Pɔɔvʋ 'la 'bhlaa anyɩ. A kalɩ Laagɔ 'la pɔɔtɛtɛ ɩya a kalɩ 'na pɔɔtɛtɛ.

‑Ma 'kʋcinyɔa ‑ɔ ‑glɩ 'lɛ ‑Kplɔkplɔ ‑Wugoa* Toa cɩ 'ka 'lɛ anyɩ 'na 'ŋlɩa nɩkplaan tlɛlɩ na, ʋmʋ ‑ʋ ‑cɩ 'ka 'lɛ anyɩ wɔlɩa ‑tɛtɛa ca ɩya ʋ 'ka anyɩ wɔlɩa ‑tɛtɛa n solua 'lɛ anyɩ na luoli.

Ɔmɔa ‑ɔ 'plɩlɩ 'lɛ 'na ‑jlɩmaa 'kʋ 'nyɩ ‑ɔ zʋa 'lɛ sa na, ɔmɔ ‑glɩ 'lɛ ɔmɔa ‑ɔ ‑waan 'lɛ na. Ɔmɔa ‑ɔ ‑waan 'lɛ na, n To cɩɔ wabha. ‑Amʋ ‑ma n cɩɔ wabha 'nyɩ n cɩɔ ncɩ pala.»

Ɩya ‑amʋ, n 'ka Toa bhibhie ɩya ɔ 'ka anyɩ 'kʋcinyɔ 'nyɩ ɩya ɔ 'ka anyɩ cɩ kʋ 'lʋkʋlʋkʋ ɩya 'lʋkʋlʋkʋ. Ɔmɔ ‑ɔ ‑glɩ 'lɛ ‑nʋawlɛ ‑Wugoa. ‑Laagɔzɔan cɩ 'tʋʋ 'lɩlɩɛ mɩno ‑ofi lebhe ‑laagɔzɔan 'tʋʋ ‑jlɛ 'nyɩ ɩ 'tʋʋ ‑ci. ‑Ma anyɩ, a ‑ciu ‑ofi lebhe ʋ ‑kʋ anyɩ cɩ 'nyɩ ʋ cɩ 'ka anyɩ nɩkplaan kʋ clɩɩa 'fɩan.

Ɩmɩa ‑tɛtɛa a cɩ 'ka 'lɛ 'na 'ŋlɩa nɩkplaan 'clalɩ na, n cɩ 'kɩɩ nʋ ɩya 'Cʋa ka gba ɩya Toa 'la 'klʋagba 'ka ‑zɔnwlʋ. Gbazɩ a ‑kaan lʋʋ 'na 'ŋlɩa nɩkplaan 'clalɩ na, n cɩ kʋʋ nʋ.

A ‑kaan ‑wa na, a cɩ 'ka 'na ‑jlɩmaa 'kʋ 'plɩlɩ.

N To 'la 'slea nɩkplaan, sakʋdɩ ‑bhutukpa ‑kʋ 'yɛpɩ. Ɩ 'taa sɛɛ ‑kʋ na, n cɩa anyɩa 'claa lebhe n mʋ ka ɩya n 'ka anyɩ sakʋda bhɔsʋa bha?

Daa n cɩ 'ka 'lɛ mʋ ɩya n 'ka 'lɛ anyɩ daa a cɩ 'ka 'lɛ kʋ na bhɔsʋa na, n cɩ 'ka cɔlɔ ɩya n 'ka anyɩ 'ma ɩya daa n ‑kʋ 'lɛ na, anyɩ ‑ma, a 'ka dɛ kʋmʋ.

Na, Tomaa yɔɔ 'cla lebhe: «‑Kwlenyɔ, ‑a 'ta daa 'titia ‑n mʋ 'lɛ na ‑ci. Na, 'nsasa ‑a ‑cɩ kaa 'lɛ 'yɛpɩ 'la ‑gugwiea cibhlili bha?»