Popular Bible Verses from Marikuxi 5

Share

Hikɨ Ketsutsi mɨpaɨ katinitahɨawe: —Neniwe, yuri pemɨti'eriekɨ 'aixɨa pereu'erietɨ pepatɨa. 'A'iyaritsie peka'uximatɨarietɨ kenemie, 'aixɨa pereu'erietɨ pekatiukakukuinetɨ.

Hikɨ mana kaniuyeikakaitɨni watsata, 'uka mɨtikuyekai tamamata heimana huta wiyari mɨyuriekai xuriyaya kaheunuawekaku. Waɨkawa katiniuka'eniwakaitɨni yumɨireme teyu'uayemawamete wahetsɨa 'axetɨ, tita mɨrexeiyakai naime katiniutixɨtɨani tiyukutuayatɨ, yutatexieka kwinimieme matsi kaniɨyɨni.

Hikɨ yapauka xuriyaya kaneunuani, yuwaiyaritsie mɨpaɨ katiniyumani mɨkɨ kukuiniyaya kaneunuani.

Hikɨ mɨkɨ mamayatsie kawiereka, mɨpaɨ katinitahɨawe yuniukikɨ: — Tarita kumi ('arameukɨ panuyɨne: 'Ɨimari 'aku, kenanukukexi nekamatinahɨaweni).

Hikɨ mɨpaɨ 'utainekaku 'akuxi, tuki mɨhɨritɨarie hetsɨa miemete mekaniu'axɨani mɨpaɨ mete'itahɨaweke: —'Aniwe 'ari pemɨ. ¿Titayari ti'ɨkitame peti'uximatɨa 'akuxi? Ketsutsi waru'enieka mɨpaɨ mete'ikɨhɨaweme, tuki mɨhɨritɨarie mɨpaɨ katiniutahɨawe: —Pepɨkaheumaka, yuri ketine'erieka xeikɨa.

Mɨpaɨ kaniutayɨni Ketsutsi mɨpaɨ mɨtitahɨawixɨkɨ: «'Ekɨ kakaɨyari pemɨka'itiya, keneuxɨna mɨkɨ tewi». Hikɨ Ketsutsi mɨpaɨ katinita'iwawiya: —¿Kepetitewa? Mɨkɨ mɨpaɨ katinita'eiya: —Kuyaxi Xeiwaxayari netinitewaka, temɨtamɨirekɨ.