Popular Bible Verses from Marikuxi 16

Share

Hikɨ mɨpaɨ katiniwarutahɨawe: «Naitsarie kwiepa xekeneutayeixɨa, niuki 'aixɨa manuyɨne xekeniwakuxaxatɨwani yunaime keyupaɨmetɨ memunetɨarie.

'Ipaɨ 'anenetɨ 'inɨarite kanitixuawerimɨkɨ hakewa meme'uwa mɨkɨ yuri memɨte'erie, nehetsɨa memɨmiemetekɨ mekaniwarayenɨ'axɨakuni kakaɨyarixi 'axamemɨ'anene, mekanitiniukuni niuki mɨhehekwakɨ, kuterixi xɨka mewaranuku'ɨni, mɨmɨya xɨka me'anu'ieni, tixaɨtɨ 'atsipɨkatiwayurieni, tekwikwikate wahetsie xɨka me'utimeni mɨkɨ 'aixɨa meteheu'erietɨ mepakɨne».

Kemɨ'ane yuri mɨtita'erieni mɨka'ɨyarieni, mɨkɨ kanitawikweitsitɨariemɨkɨ, kemɨ'ane yuri mɨkati'erie, 'itsɨkame kanitakwewimɨkɨ hetsiena mɨrahɨiyanikɨ.

Naitsarie mekaneutayeixɨani mɨkɨ metekuxatatɨ, Ti'aitame waɨkawa kaniwaparewiekaitɨni kememɨte'uximayakai waniuki tseiriyatɨ 'inɨari kemɨtiwapitɨakai. Mɨpaɨ xeikɨa kani'aneni.

Mɨkɨ mɨpaɨ katiniwarutahɨawe: —Xepɨkamamaka. Xeme Ketsutsi xepɨkuwautɨwe natsaretitanaka kuruxitsie mukawiya. Kananukuketɨarieniri, 'uwa pɨkayeka. Paratsɨ xekeneutanenieri hakewa meutatekie.

Mɨkɨtsɨ teté 'akaninekaitɨni. Peru kepauka memunenierixɨ mekanixeiya teté heuhɨiyakame. Hikɨ teukiyapa mekaneutahaxɨani, watserieta 'akaime temaikɨ mekaniuxeiya, mutuxa 'amɨtewi 'anakatɨkɨme, hikɨ mekaniutimamani.