Popular Bible Verses from Tsatiyaku 4

Share

'Ayumieme xekeneyuwaɨriyani Kakaɨyari mɨtixe'aitɨakakɨ. Xekenaye'unieka kauyumarie, mɨkɨ pɨyuta'una xehetsɨa.

Kakaɨyari hetsɨa 'ahurawa xekeneukɨni, mɨkɨta xehetsɨa 'ahurawa payani. 'Axateyuruwamete yumamatetsie xekeneuyu'itiexɨa. Xekeneyu'itieka yu'iyaritsie huta 'iyariyari xemexeiyatɨka.

Ti'aitame hɨxie, tixaɨtɨ xekatehɨkɨtɨtɨ xekenayuyeitɨaka, mɨkɨ mamariwawemete pɨxe'ayeitɨani.

Peru mɨkɨ waɨkawamekɨ matsi 'aixɨa tiuka'iyaritɨ pɨtatsiparewie. 'Ayumieme 'utɨarikaya mɨpaɨ kanaineni: «Kakaɨyari kaniwaraye'unieka mɨkɨ memɨyuti'ɨre, matsi tixaɨtɨ memɨkatehayuyeitɨa 'aixɨa katiniuka'iyarini wahetsiemieme».

Kemɨ'ane yamɨkatiyuriene timaitɨtɨtɨ, mɨkɨ 'axakatiniyurieneni.

Meta kepauka memɨteku'iwawa, tixaɨtɨ mepɨkateyetuiriyarɨwa, 'axa'anemekɨ memɨtewawakɨ, yuhetsiemieme xenaki'akutɨ xeikɨa xemɨyɨakɨ.

Neuxei teɨteri hipame wa'ɨitama xemɨwakumaɨwa. ¿Kari mɨpaɨ xepɨkatemate, xɨka tinaki'erieka tita kwiepa mɨtimieme, Kakaɨyari kani'uxiwe'eriekamɨkɨ? 'Ayumieme kemɨ'ane mɨyuwaɨriya tita kwiepa mɨtimieme mɨtinaki'eriekakɨ, mɨkɨ Kakaɨyari 'aye'unietɨ payuyeitɨwa.

Xeme 'atsixepɨkatemate 'uxa'a kemɨtiyɨni. ¿Tita kuta yutukari xete'erie? 'Aɨxi xeikɨa xekanihɨkɨtɨni. Mɨkɨ 'epɨkareutere xeiyarietɨ, kwitɨwa kaniukumamawereni.