Popular Bible Verses from Baroma 8

Share

Lu ziba kuli Mulimu, mwa linto kamukana, u sebelisana hande ni ba ba mu lata, ili bona b'a bizize ka mulelo wa hae.

Kakuli ni na ni niti kuli ha ku na se si ka lu kauhanya ni lilato la hae, niha i ka ba lifu kamba bupilo, niha i ka ba mangeloi kamba babusi ba bañwi ba kwa lihalimu ba ba na ni maata, niha i ka ba ze ezahala ka nako ye, kamba ze ka ezahala ka linako ze sa taha kaufela. Ha ku na se si fahalimw'a lifasi kamba kwatas'a lona, se si ta lu kauhanya ni lilato la Mulimu le li bonahalile ku luna ka Jesu Kreste Mulen'a luna.

Kamukwaoswana, ni ona Moya u t'o lu tusa mwa bufokoli bwa luna, kakuli ha lu zibi mo lu swanezi ku lapelela. Kono ona Moya kasibili u nz'o lu lapelela ku Mulimu ka sitongo se si sa konwi ku taluswa.

Cwale lu ka liñi ka ze! Haiba Mulimu u kwa neku la luna, ki mañi ya ka lu lwanisa?

Cwale ha ku sa na katulo ye yemezi ba ba inzi ku Jesu Kreste.

Ku pila ka ze batwa ki mubili ku isa kwa lifu. Kono ku pila ka ze batwa ki Moya ku isa kwa bupilo ni kozo.

Batili, lu komelezi lika kamukana ka yena ya lu latile!

Ni hupula kuli manyando a luna a nako ye h'a koni ku likanyezwa ni kanya yeo Mulimu u tuha a lu sinulela yona.

Ki sika mañi cwale se si ka lu kauhanya ni lilato la Kreste? Kana i ka ba manyando, butata, ku zumiwa, tala, bunjebwe, kozi, kamba lifu?

Mi Mulimu ya bona se si mwa lipilu za batu, u ziba seo Moya u bata ku si kupa, kakuli Moya u lapelela balumeli sina mw'a latela Mulimu.

Ba ba zamaiswa ki Moya wa Mulimu kaufel'a bona ki bana ba Mulimu.

Kakuli minahano ya ba ba pila ka ku latelela litakazo za bona i tomilwe fa lika ze latwa ki mubili. Kono bona ba ba pila ka Moya, ba tomile minahano ya bona fa lika za Moya.

H'a si ka hana ku lu fa Mwan'a hae, mane u mu file luna kaufela! Cwale, n'a ka hana cwañi ku lu fa lika kamukana hamoho ni Mwan'a hae?

Ki ona Moya wa Mulimu kasibili o' pakela mioya ya luna kuli lu bana ba Mulimu. Mi ha lu li bana ba hae, lu ta ca ni luna lifa leo Mulimu a li sepisize batu ba hae, mi lu ta li ca hamoho ni Kreste. Kakuli haiba lu nyanda ni yena, hape lu ta ca bulena ni yena.

Kakuli ba ba bilaela ka ze batwa ki mubili ki lila za Mulimu. Ha ba ipeyi kwatas'a mulao wa Mulimu, mane ha ba koni ku ipeya ku ona.

Lifasi kaufela li libelezi ka lishuke le lituna nako yeo Mulimu a ta bonahaza bana ba hae.

Lu ziba kuli mane ku t'o fita ku yona nako ye, ze bupilwe kaufela li tongiswa ki butuku, butuku bo bu swana ni bwa musali h'a pepa.