Popular Bible Verses from Luka 9

Share

Kiha s'a bulelela batu kaufela, a li, “Mutu h'a lata ku ni latelela, a itobohe, a lwale sifapahano sa hae ka zazi ni zazi, mi a ni latelele.

Kakuli ya lata ku sileleza bupilo bwa hae, u ta sinyehelwa ki bona, kono ya ka sinyehelwa ki bupilo bwa hae kabakala ka, u ta bu pilisa.

Jesu a li ku yena, “Ha ku na mutu ya sweli sikekele, a nz'a itemunanga, ya swanela mwa Mubuso wa Mulimu.”

Ku tusañi kuli mutu a luwe lifasi kaufela, mi a ipulaye ka ku itokwisa litohonolo la ku kena mwa Mubuso wa Mulimu!

Mutu h'a ni swabela, na, ni manzwi a ka, na, Mwan'a Mutu, ni ka mu swabela ni yena, zazi le ni ka taha mwa kanya ya ka ni ya Ndate ni ya mangeloi a kenile.

Jesu a li ku yena, “Mawawa a na ni misima ni linyunywani li na ni liyaleto, kono na, Mwan'a Mutu, ha ni na sibaka fo ni ka pumulela.”

A li ku bona, “Mutu kaufela, ya amuhela mwanana yo ka libizo la ka, u amuhela na kasibili. Ya ni amuhela, u amuhela ya ni lumile, mi ya li yo munyinyani ku mina kaufela, ki yena yo muhulu.”