Popular Bible Verses from Luka 6

Share

Mu fane, mi Mulimu u ta kutiseza mwa mazoho a mina se mu fanile ka litikanyo ze nde, ze katezwi, ze sheketisizwe, ze yuboka. Kakuli tikanyo ye mu fa, ki yona tikanyo ye mu ta kutisezwa.”

Mutu yo munde u zwisa ze nde mwa pulukelo ye nde ya pilu ya hae. Mutu ya maswe u zwisa ze maswe mwa pulukelo ye maswe ya pilu ya hae. Kakuli mulomo wa mutu u bulela se si tezi mwa pilu ya hae.

Kono mina, mu late lila za mina, mu ba eze hande, mi mu kalime mu sa libeleli ku kutisezwa. Mupuzo wa mina kihona u ta ba o mutuna, mi mu ta ba bana ba Muambakani ya Pahami, kakuli yena u na ni sishemo ku ba ba si na buitumelo ni ku ba ba maswe cwalo.

Mu be ni sishemo sina Ndat'a mina h'a na ni sishemo.

“Mu si ke mwa zuma lifoso za batu kuli Mulimu ni yena a si ke a zuma lifoso za mina. Mi mu si ke mwa atula ba bañwi kuli Mulimu a si ke a mi atula ni mina. Mu swalele, mi Mulimu u ta mi swalela ni yena.

“Kono ni bulelela mina ba ba ni utwa, ‘Mu late lila za mina. Ba ba mi toile, mu ba eze hande. Mu fuyaule ba ba mi lwaha, mi mu lapelele ba ba mi nyandisa.

Se mu lata kuli batu ba mi ezeze, mu ba ezeze sona ni mina.’

Ya ka ku nata fa lilama, u mu sikululele ni le liñwi hape. Ya ku ngela jansi ya hao, u si ke wa mu hanisa ku ngelela ni hembe cwalo. U fe ya ku kupa kaufela, mi u si ke wa kutisa s'o amuhilwe ki mutu.

“Ha ku na kota ye nde ye beya miselo ye maswe, mi hape ha ku na kota ye maswe ye beya miselo ye minde.

Kota kaufela i zibahala ka miselo ya yona. Ha ku yangwi lifeiga kwa mikakani, mi ha ku yangwi makocela a veine kwa mikona.