Popular Bible Verses from Joani 14

Share

“Ni mi siyela kozo, ni mi fa kozo ya ka. Ha ni mi fi yona sina mo ba fela ba lifasi. Mu si ke mwa filikana, mi mu si ke mwa saba.

Jesu a mu alaba, a li, “Ki na nzila, ni niti, ni bupilo. Ha ku na ya ya ku Ndate konji ka na.

Jesu a ba bulelela, a li, “Mu si ke mwa filikana. Mu lumele ku Mulimu ni ku na cwalo.

Mutusi, ili Moya o Kenile, ya ka lumiwa ki Ndate ka libizo la ka, u ta mi luta lika kaufela, ni ku mi hupulisa ze ni mi bulelezi kamukana.

“Mutu kaufela ya amuhela milao ya ka, mi a i buluka, ki yena ya ni lata. Ndate u ka lata ya ni lata. Ni na, ni ka mu lata, mi ni ka iponahaza ku yena.”

Ni ta kupa ku Ndate kuli a mi fe Mutusi yo muñwi, a t'o ina ni mina kuya kuile, ili ona Moya wa niti. Batu kaufela ba palelwa ku u amuhela kakuli ha ba koni ku u bona kapa ku u ziba. Kono mina mwa u ziba kakuli u inzi ku mina mi u pila ku mina.

Mi ni ka eza ze mu kupa kaufela ka libizo la ka, kuli maata a Ndate a bonahale ka Mwana. Ha mu kupa se siñwi ka libizo la ka, ni ka si eza.

“Haiba mu ni lata, mu ta buluka milao ya ka.

Ku na ni mizuzu ye miñata mwa ndu ya Ndate, mi ni y'o mi lukiseza sibaka. Ne ni si ke na mi bulelela taba ye, ha i ne i ka ba kuli ha si niti.

Mi ha ni se ni il'o mi lukiseza sibaka, ni ka kuta ku t'o mi nga, kuli ni mina mu y'o ba teñi ko ni inzi.

Tomasi a li ku yena, “Mulena, ha lu zibi ko u ya, cwale ne lu ka ziba cwañi nzila ye ya kwateñi?”