Popular Bible Verses from Maheberu 1

Share

U bonisa kanya ya Mulimu ni seo Mulimu a li sona. U sweli lika kaufela ka linzwi la hae le li maata. A sin'o tapisa batu kwa libi za bona, a y'o ina mwa lihalimu ku la bulyo la Mulimu ya Maata Kaufela.

Ka linako za kale, Mulimu u bulezi hañata, ni ka mikwa ye miñata, ni bo kukw'a luna, ka bapolofita. Kono ka mazazi a, ili a mafelelezo, u bulezi ni luna ka Mwan'a hae. Ki ka yena kuli Mulimu u ezize lika kaufela, mi ki yena ya supilwe ki Mulimu ku ba muñ'a zona kamukana.

Mangeloi ki lika mañi? Kaufela ona ki mioya ye sebeleza Mulimu, mi ye lumiwa ki yena ku tusa ba ba lukela ku piliswa.

Mi hape u ize, “Ki wena, Mulena, ya ezize lifasi kwa makalelo, mi lihalimu ki musebezi wa mazoho a hao. Zeo kaufela li ta fela, kono wena u ta siyala. Li ta supala kamukana sina liapalo.