Popular Bible Verses from Simuluho 12

Share

Ni ta atisa lusika lwa hao, mi lu ta ba sicaba se situna. Ni ta ku tohonolofaza, mi libizo la hao li ta tuma, mane li sebeliswe ha ku tohonolofazwa. “Ni ka tohonolofaza ba ba ku tohonolofaza, kono ni ta kuta ba ba ku kuta. Macaba kamukana a lifasi a ta ni kupa kuli ni a tohonolofaze sina mo ni ku tohonolofalelize.”

Cwale Muñ'a Bupilo a li ku Abrame, “U tute mwa naha ya henu, u siye banabahenu, ni munzi wa ndat'aho, mi u ye mwa naha ye ni ta ku supeza yona.

Abrame ha s'a na ni lilimo ze mashumi a supile ka ze ketalizoho, a tuta mwa Harani mi a ya ni Lota sina Muñ'a Bupilo ha n'a mu bulelezi.

Muñ'a Bupilo a iponahaza ku Abrame, mi a li ku yena, “Ye ki yona naha ye ni ka fa lusika lwa hao.” Hona foo, Abrame a yaha katala. A yahela Muñ'a Bupilo ya n'a iponahalize ku yena.