Popular Bible Verses from 1 Bakorinte 6

Share

Kana ha mu zibi kuli mubili wa mina ki tempele ya Moya o Kenile, o' pila ku mina, moya o mu filwe ki Mulimu? Ha mu ipusi. Mu buswa ki Mulimu. U mi lekile ka teko ye tuna. Kabakaleo, mu lumbeke Mulimu ka ku buluka mibili ya mina i nze i kenile.

Ha si mwa ziba hande kuli ba ba maswe ha ba na ku amuhela Mubuso wa Mulimu? Mu si ke mwa ipuma. Ba mikwa ye maswe, ili ba ba lapela maswaniso, mahule, ba ba eza kalombe, ba ba uzwa, ba ba lakaza za ba bañwi, matahwa, mahata, ni ba ba tula mulao, bao kaufela ha ba na ku amuhela Mubuso wa Mulimu.

Mu ambuke buhule! Sibi sifi ni sifi s'a eza mutu, ha si sinyi mubili wa hae. Kono mutu ya pila ka buhule u foseza luli mubili wa hae.

Ba bañwi ba li, “Ni lumelezwi ku eza sifi ni sifi.” Ee, ku cwalo. Kono ha si lika kamukana ze li ze nde ku mina. Na, ne ni ka li, “Ni lumelezwi ku eza sifi ni sifi.” Kono ha ni na ku lumela ku buswa ki se siñwi.

Mulimu u zusize Mulena kwa bafu, mi ni luna u ta lu zusa cwalo ka maata a hae.