Popular Bible Verses from Exodus 23

Share

Servietisque Domino Deo vestro, ut benedicam panibus tuis et aquis, et auferam infirmitatem de medio tui. Non erit infœcunda, nec sterilis in terra tua : numerum dierum tuorum implebo.

Ecce ego mittam angelum meum, qui præcedat te, et custodiat in via, et introducat in locum quem paravi.

Quod si audieris vocem ejus, et feceris omnia quæ loquor, inimicus ero inimicis tuis, et affligam affligentes te.

Non sequeris turbam ad faciendum malum : nec in judicio, plurimorum acquiesces sententiæ, ut a vero devies. Pauperis quoque non misereberis in judicio.

Non suscipies vocem mendacii, nec junges manum tuam ut pro impio dicas falsum testimonium.