Popular Bible Verses from Ecclesiastes 4

Share

Melius est ergo duos esse simul quam unum ; habent enim emolumentum societatis suæ. Si unus ceciderit, ab altero fulcietur. Væ soli, quia cum ceciderit, non habet sublevantem se.

Et si quispiam prævaluerit contra unum, duo resistunt ei ; funiculus triplex difficile rumpitur.

Et si dormierint duo, fovebuntur mutuo ; unus quomodo calefiet ?

Melior est pugillus cum requie, quam plena utraque manus cum labore et afflictione animi.

Rursum contemplatus sum omnes labores hominum, et industrias animadverti patere invidiæ proximi ; et in hoc ergo vanitas et cura superflua est.

Melior est puer pauper et sapiens, rege sene et stulto, qui nescit prævidere in posterum.