Popular Bible Verses from Romanonan 12

Share

I no laga e manera di pensa di e mundu akí forma boso, al kontrario, laga Dios transformá boso i duna boso un manera nobo di pensa. E ora ei boso lo konstatá kiko E ke di boso, esta loke ta bon, agradabel i perfekto.

P'esei antó, rumannan, ya ku Dios ta mizerikordioso, mi ta roga boso pa ofresé boso mes komo sakrifisio bibu, santu i agradabel n'E. Esei ta e manera apropiá pa sirbi Dios.

Laga e speransa ku boso tin hasi boso kontentu; perseverá den tempu di tribulashon; resa konstantemente.

No laga maldat vense boso, pero vense maldat ku loke ta bon!

Stima otro di kurason, ku amor di ruman i sea esun promé pa respetá otro.

Stima otro sinseramente. Odia maldat i pega boso kurason na loke ta bon.

Biba na pas ku tur hende te kaminda esei ta dependé di boso.

Keridonan, no tuma vengansa boso mes, pero laga Dios kastigá. Pasobra tin skibí ku Señor ta bisa: ‘Ami lo tuma vengansa; Ami lo paga bèk.’

Traha ku zelo i no hasi kos di floho; sirbi Señor ku un kurason ferviente.

Dios a duna mi un enkargo, p'esei mi por bisa kada un di boso: no pensa ku boso ta mas di loke boso ta, pero sea realístiko. Kada ken mester tin un konsepto humilde di su mes, di akuerdo ku e midí di fe ku Dios a dun'é.

No paga malu ku malu. Hasi loke ta bon abiertamente.

Biba den harmonia ku otro. No sea orguyoso, pero hasi trabou humilde. No sea arogante.

Pero tambe E ta bisa: ‘Si bo enemigu tin hamber, dun'é di kome; si e tin set, dun'é di bebe. Pasobra bo ta pone su kara kai di bèrgwensa.’

Bendishoná esnan ku ta persiguí boso; bendishoná nan, no maldishoná nan. Sea kontentu ku esnan ku ta kontentu; yora ku esnan ku ta yora.

Kontribuí pa kubri nesesidat di e pueblo santu i praktiká hospitalidat.

Pasobra meskos ku un kurpa tin hopi parti, anto no ta tur e partinan ei tin e mesun funshon, asina tambe, ounke nos ta hopi, nos ta forma ún kurpa pa medio di nos union ku Kristu i nos ta uní ku otro meskos ku e partinan di un solo kurpa.