Popular Bible Verses from Efesionan 5

Share

Unabes ku boso ta Dios su yu stimá, hasi esfuerso pa sigui su ehèmpel. Biba den amor; tuma ehèmpel di Kristu ku a stima nos i a entregá su bida pa nos komo un sakrifisio ku ta hole dushi, un ofrenda ku ta agradá Dios.

Paga bon tinu antó kon komportá boso, no manera hende bobo, sino ku sabiduria! I probechá di kualke oportunidat ku presentá, pasobra nos ta biba den tempu malu.

No bebe burachi, pasobra biña ta pone hende pèrdè kabes, ma laga Spiritu Santu yena boso. Kanta salmo-, himno- i kantikanan inspirá, pa otro. Kanta i toka pa Señor ku henter boso kurason. Semper yama Dios Tata danki pa tur kos, den nòmber di nos Señor Hesu-Kristu.

P'esei no sea insensato, ma buska pa konosé boluntat di Señor.

Hòmbernan, stima boso esposa, manera Kristu a stima iglesia i a entregá su bida p'e.

Un tempu boso mes tabata den skuridat, ma awor ku boso ta uní ku Señor, boso ta den lus! Komportá boso pues manera hende ku ta biba den lus.

Someté boso na otro pa motibu di e rèspèt ku boso tin pa Kristu.

Señoranan, someté boso na boso esposo, manera boso ta someté boso na Señor!

Ma e ta konta pa boso tambe: Kada hòmber mester stima su mes esposa manera e ta stima su mes i kada muhé mester respetá su esposo.

Skritura ta bisa: ‘P'esei un hòmber lo laga su tata i su mama pa uni ku su kasá i nan dos lo ta un.’

No partisipá na e aktonan inútil di hende ku ta biba den skuridat, pero eksponé nan aktonan!