Popular Bible Verses from 1 Korintionan 12

Share

Spiritu Santu ta mustra su presensia den tur kreyente na un òf otro manera na benefisio di nan tur.

Boso ta kurpa di Kristu, boso kada un ta forma parti di dje.

Si ún parti di kurpa ta sufri, tur sobrá tambe ta sufri. Si ún parti risibí honor, tur sobrá ta kompartí su legria.

Na esun kreyente Spiritu Santu ta duna un palabra di sabiduria i e mesun Spiritu Santu ta duna un mensahe di konosementu na un otro. E mesun Spiritu Santu ta duna fe spesial na un persona i un otro ta haña poder pa kura hende malu pa medio di e mesun Spiritu ei. E ta duna esun poder pa hasi milager, e otro don pa profetisá i un otro don pa diserní kiko ta bini di Spiritu Santu i kiko nò. E ta duna esun don pa papia den lenga i e otro don pa interpretá loke a papia den lenga strañero.

Ma tur esaki ta obra di ún i mesun Spiritu Santu ku ta duna kada hende su donnan manera E ta haña ta bon.

pa asina no tin desunion den e kurpa, pero pa tur miembro kuida otro.

Tin diferente don, pero ta e mesun Spiritu Santu ta duna nan. Tin diferente manera di sirbi, pero ta e mesun Señor nos ta sirbi. Tin diferente manifestashon di poder, pero ta e mesun Dios ta hasi esaki den tur hende, pa medio di su poder.

I den iglesia Dios a duna kada hende un tarea diferente: na promé lugá tin apòstel, despues tin profeta, na di tres lugá maestro, despues hende ku don di hasi milager, don di kura hende malu, don di yuda, don di dirigí òf don di papia den lenga.

Pasobra no ta ún parti so ta forma henter ún kurpa, pero ta hopi parti huntu ta forma un kurpa.

Al kontrario, ta e partinan di kurpa ku ta parse mas suak ta esnan ku nos tin mas mester di dje.

Si hende su kurpa tabata wowo so, ta kon e ta hasi tende? Si e tabata orea so, kon e ta hasi hole? Pero Dios a pone kada miembro di e kurpa na e lugá ku parse É di ta mas mihó. Si tur ta mesun parti, lo no tabatin un kurpa kompleto!