Popular Bible Verses from Luki 23

Share

Jezu ka sa vo nú Mawu, bó ɖɔ: “Daá, yě tunwun nǔ e wa wɛ yě ɖe é ǎ; sɔ́ kɛ yě.” Yě ká nyi akɔ dó avɔ tɔn lɛ́ɛ, bó sɔ́ yětɔn yětɔn.

Jezu ka yí gbe n'i ɖɔ: “Má ɖɔ nǔgbó nú we: égbé din ɔ́, a nǎ ɖo Mawu gɔ̌n xá mì .”

É ka lɛ́ ɖɔ: “Jezu, hwenu e a nǎ wá ɖu axɔ́sú ɖo gbɛ élɔ́ nu ɔ́, flín mì mɛ!”

Jezu ka sú xó kpó hlɔ̌nhlɔ́n kpó, bó ɖɔ: “Daá, un sɔ́ lǐndɔ̌n ce dó alɔ mɛ nú we.” Énɛ́ ɔ́ gúdo ɔ́, é bɔnu.

Ée yě wá yi jɛ tɛn e mɛ è nɔ ylɔ́ ɖɔ “takágo” ɔ́, yě ká Jezu nyi aklúzu jí, bó ká dǎnúwatɔ́ we lɛ́ɛ: è ká mɛ ɖokpó ɖó ɖisí tɔn xwé, bó ká mɛ ɖokpó ɖó amyɔ tɔn xwé.

Gan wěwe wɛ ɖo na xo wɛ kɛ́ɖɛ́, bɔ hwesivɔ́ cí, bɔ ablu cyɔ́n gbɛ ɔ́ bǐ, káká yi jɛ gan atɔn mɛ, bɔ avɔ ɖaxó e è dó gbo sinsɛnxɔ mɛ ná ɔ́ tlɛ́n ɖó we sín tɛ́ntin.

Ée sɔ́ja kanwekogán ɔ́ mɔ nǔ énɛ́ lɛ́ɛ e jɛ lɛ́ɛ ɔ́, é jɛ susu kpa nú Mawu jí ɖɔ: “Dandan mɛ ɔ́, nya élɔ́ ɔ́, xomɛvɔ́nɔ wɛ é nyí nǔgbó.”