Popular Bible Verses from Bǐbɛ́mɛ 35

Share

Mawu lɛ́ ɖɔ n'i ɖɔ: “Mawu Nǔbǐwúkpétɔ́ wɛ un nyí. Ji bó gba kún. Vǐ towe lɛ́ɛ ná sukpɔ́ káká bó ná nyí akɔta ɖokpó. Akɔta wɔ̌buwɔ́bú wɛ yě ná tlɛ nyí, lobɔ axɔ́sú ná tɔ́n ɖo vǐ towe lɛ́ɛ mɛ. Un ná ná we to e un ná Ablaxámu kpódó Izáki kpó ɔ́, bó ná ná vǐ e ná nɔ do towe mɛ lɛ́ɛ.”

Mǐ ná sɔ́ nǔ bó ná yi Betɛ́li. Un ná mɛ vɔ̌sákpe ɖokpó nú Mawu ɖó fínɛ́. É wɛ yí ɖɛ ce gbe e gbe adǎn gbo mì é. É wɛ nɔ gǔdo ce bɔ un yi tomɛ bó wá.”

bó ɖɔ n'i ɖɔ: “Jakɔ́bu wɛ a nɔ nyí; amɔ̌, din ɔ́, è sɔ́ nǎ nɔ́ ylɔ́ we ɖɔ mɔ̌ ǎ; Izlayɛ́li wɛ a nǎ nɔ́ nyí.” Lě e Mawu sun nyǐ i ɖɔ Izlayɛ́li gbɔn ɔ́ nɛ́.

Bɔ Jakɔ́bu ɖɔ nú xwédo tɔn kpódó mɛ e ɖo kpɔ́ xá ɛ lɛ́ɛ bǐ kpó ɖɔ: “Mi bɛ́ vodún mitɔn lɛ́ɛ bǐ síin. Mi slá wǔ bó ɖyɔ́ awu.

Énɛ́ ɔ́ gúdo ɔ́, Mawu ɖɔ nú Jakɔ́bu ɖɔ: “Sɔ́ nǔ bó yi Betɛ́li, bó nɔ fínɛ́. A nǎ mɛ vɔ̌sákpe ɖokpó ɖó fínɛ́ nú nyɛ Mawu e tɔ́n dó jǐ towe hwenu e a ɖo hinhɔn nú nɔví towe Esawu wɛ é.”

Hlacɛ́li ɖo nǎ kú wɛ, bɔ cóbónú gbɔjɛ tɔn ná xwɛ ɔ́, é sun nyǐ vǐ ɔ́ ɖɔ Bɛni-Oníi; Bɛni-Oníi sín tínmɛ wɛ nyí wǔvɛ́sise sín vǐ. Lo ɔ́, vǐ tɔ́ ɔ́ sun nyǐ i ɖɔ Bɛnjamɛ́ɛ. Bɛnjamɛ́ɛ sín tínmɛ wɛ nyí ɖisílɔ ce sín vǐ.