Popular Bible Verses from Proverbionan 11

Share

Es ku hasi bon, bon ta p'e, es ku duna alivio, ta haña alivio.

Tin hende generoso, ku ta risibí mas ku nan ta duna, i tin hende pichiri ku ta muri bashí.

Ora bo ta orguyoso bo ta pasa bèrgwensa, pero sabiduria ta pa hende humilde.

Si no tin guia un pueblo ta bai pèrdí, hopi konsehero bon ta trese solushon.

Bon obra di hende hustu ta bendishon pa tur hende, hende sabí ta gana kurason di tur hende.

Hasidó di redu no sa warda sekreto, hende konfiabel sí.

Bo ta yuda bo mes, ora bo yuda otro hende, bo ta perhudiká bo mes, ora bo perhudiká otro hende.

Es ku konfia riba su rikesa ta keda ruiná, es ku konfia den Dios, ta manera blachi fresku ku a spreit.

Rikesa no ta yuda dia Dios ta bai kastigá, hustisia ta libra hende di morto.

Rektitut ta guia hende rekto, pero falsedat ta destrukshon di hende falsu.

Beyesa di un muhé ku no ta usa su sintí, ta manera un renchi di oro pasá den nanishi di un porko.

SEÑOR ta repudiá esnan ku ta kònkel ku balansa, ma ta keda kontentu ku esnan ku ta usa peso eksakto.