Popular Bible Verses from Mateo 7

Share

Pidi i boso lo risibí; buska i boso lo haña; bati i porta lo habri pa boso.

Pasobra ken ku pidi, lo risibí; ken ku buska, lo haña; i ken ku bati, porta lo habri p'e.

P'esei ken ku tende e palabranan di Mi akí i kumpli ku nan ta manera e hòmber sabí ku a traha su kas riba baranka.

Wèl, trata otro hende den tur kos meskos ku bo ke pa nan trata bo. Pasobra esaki ta nifikashon di loke lei i e profetanan ta siña.

Ma e porta i e kaminda ku ta guia na bida ta smal i difísil, i poko ta esnan ku ta deskubrié.

Drenta di e porta smal, pasobra e porta i e kaminda ku ta guia na pèrdishon ta hanchu, i hopi ta esnan ku ta pasa di e kaminda ei.

Ke men, si asta boso ku ta mal hende sa di duna boso yunan kos bon, kuantu mas antó boso Tata den shelu lo no duna kos bon na esnan ku pidiÉ?

No husga pa Dios no husga bo. Pasobra manera bo husga otro hende, Dios lo husga bo tambe i e mesun midí ku bo usa pa midi otro hende, Dios lo usa pa midi bo tambe.

Ma ken ku skucha e palabranan di Mi akí i keda sin kumpli ku nan, ta manera e hòmber bobo ku a traha su kas den santu.

Di kon bo ta mira e splenter den wowo di bo ruman i e balki den bo mes wowo sí bo no ta ripará? Ku ki derechi bo ta bisa bo ruman: “Laga mi saka e splenter for di bo wowo”, anto ata bo mes ku asina un balki den bo wowo?

Tene kuidou ku profeta falsu; nan ta bini serka boso bistí na karné ma di paden nan ta lobo feros. Na nan fruta boso lo konosé nan. No por piki drùif for di mata di sumpiña òf figo for di kadushi, tòg?

Un bon palu ta pari bon fruta i un mal palu ta pari mal fruta.

Ta imposibel pa un bon palu pari mal fruta òf pa un mal palu pari bon fruta.

Ta kap tur palu ku no pari bon fruta, tira den kandela.