Popular Bible Verses from Matthieu 28

Share

Awi, i teli dooge malang ke ei Juipge lé ke njékuwe-girmge. Ulei de manné njonm se ri Bɔ’m a, se ri Ngonn a, se ri Ndil-Kêmnda a tɔ. I ndói de loo kile koje dè ndukunnge malang ke kété m’unn m’ade sei nga. An-in! man nga géa m’a m’ee der gir si se ndɔ karé-karé malang sár ndɔ ke ngeinn’t.

Jésu aw ngɔr ke ra de’t ede de tàge titeke bè ede nè: – Man nga, d’ade’m tɔgmong dè nyange malang ke danrán se ke dè nang nè.

Doo ke danrán ke Kuwe-ɓee ule’n nga ede dinyege ede nè: – Sei ɓaa, i ɓeli lé. Ma m’ger titeke sei sangi Jésu ke dé ɓer’n kàde kage-ke-dese’t nga. E goto loo ke nè ta, tede è unde loo tee dann njé ke koo’t titeke è tam’n kété nga. I reei an-in loo ke kété tò tutu nga.

Jésu ede de ede nè: – I ɓeli lé ta. Awi edi ngakonmge ade awi gar-gar kêm ɓeekon ke Galilée. E á è loo ke à an-in man tutu nú.

Maw njékuje nyan-mesege awi ɔsi nja ngatɔgege le kosdooge ke Israel nan’t ɔri nan tà. Loo ke umi tà le de nan’t ɓá ɓaa, go’t gugu ɔyi nar ɓuk adi njérɔge ɓaa, ei edi de edi nè: – Awi i tami edi nè: njékuwe-girnge á reei ndɔɔ ɔri ninn’n se ɓoge loo ke sei i tooi ɓi. Ke nè á tà nè nga oso mbi njékonɓee’t ɓaa, jè kuwe j’à ger loo k’ee der gir si kade kêm si too’n lom. Njérɔge taai nar nè nga ɓaa, ei rai titeke d’ede’n de kété nga tɔ. Titeke bè á tà nè nga oso’n se loo mbit-mbit dann Juipge’t sár tee kêm ndɔ ke ɓila.