Popular Bible Verses from Matthieu 16

Share

Taɓai Jésu ede njékuwe-girnge ede nè: – Ke nè á doo karé ndige kunn rebe goom’t ɓaa, maje kade inye go tàgir ke ɔje dè ra’n kɔke a, maje kade uwe dè nja ra’n se ndɔge malang le kwei titeke man m’ra’n bè ɓita unn dè nja’m têr-têr ɓai.

Nè man m’edi titeke i i Pierre, dè kuberi her ke m’an m’unde njékebe nange le’m dè’t. Tɔgmong le yo ase ra se de nyan karé lé.

M’a m’adi tɔgmong kɔr tà rebe Konɓee ke danrán. Nyan ke i ɔge ra dè nang nè nga ɓaa, d’a d’ɔge ra danrán tɔ. Nyan ke i inye loo ade dé ra dè nang nè nga, d’a d’inye loo kade dé ra danrán tɔ.

Nanan ke ndige kaje ra’n ɓaa à ile ra’n kɔke salang. Nè nanan ke ile ra’n kɔke salang tede’m man ɓaa à ndi kumgajer kuwe.

Ke nè á doo karé inge nyan malang ke dè nang nè, nè ile ngarankum ra’n kɔke salang ɓaa, ké ri á è soon’t wa?

Jésu tel deje kuwe ɓai ede nè: – A ɓaa sei, ké i tami edi nè man m’ee nan wa? Simon Pierre in ile jésu dè’t ede nè: – I i Krist, Ngonn le Nube ke njèndi kumgajer.

Jésu ede Pierre ede nè: – Simon, ngonn Jonas, rai neli tede è doo ndul á ade kumi gang dè tà’t nè nga lé. Nè è Bɔ’m ke danrán kuwe ade kumi gang dè tà’t nè nga.