Popular Bible Verses from Luc 5

Share

Loo ke è ebe ra’n ndó de nyan ɓaa, è ede Simon ede nè: – Ɔse bato nga age’n kété dunge mann’t. Taɓai umi burege le si manné ɔsi kanjege.

Simon tel ile Jésu dè’t ede nè: – Ngar, jè ra kule kɔse kanje ndɔ laa j’ɔr yàl-yàl nal kuwe ngonn kanje karé ke luk-luk. Nè se go tà tami nga ɓaa, m’a tel kule burege manné gugu kan. Loo ke dé ra titeke bè ɓaa, kanjege rusi kêm burege le de njin-njin ade tep̂ léa burege le de gang.

Nè Jésu ɔr ra’n dann de’t aw ngang loo’t ɔje tà se Nube titeke è ra’n dɔ-dɔ.

Nube ule’m kade m’ɓar njé ke d’an de ke njéra nyan danné sêwge á bè lé, nè è ule’m le kade m’ɓar njé ke d’an de ke njé ra majelége tede le kade turi hal de.

Loo ke Simon ke dé ɓar’n Pierre an bè ɓaa, ɔse keje’n nanga non Jésu’t ede’n ede nè: – Kuwe-ɓee ute rai ram’t kɔke, tede man m’ee njè ra majelé.

Loo ke Jésu oo tà deje le de bè ɓaa, è ile de dè’t ede nè: – Njé ke ra de mong maj-maj nga awi ndoo njèkuge-kaje lé, nè njératurge á awi ndoo’n.

Loo ke Simon se njékɔse kanje madennge teli se batoge le de reei tɔi nang tà ba’t gugu ɓaa, turi gide de adi nyankingege le de malang, unni rebe go Jésu’t.

Ndɔ karé ke rang, Jésu ndi ngonn ɓee ke kêm ɓeekon’t nè nga. Dingem karé ke banje mbanran nan rann’t ree tee pan. Loo ke è tête kum’n an Jésu ɓaa, è ɔse keje’n nanga nonn’t ede’n ede nè: – Kuwe-ɓee, ke nè á i ndige le kade banje ɔr ram’t ndát-ndát ɓaa, i aw se tɔgmong tede le ra bè kuwe. Jésu ule ji’n ɔde’n ra njèbanje nè nga ede nè: – Oiyo, m’ndige sei dè’t kuwe, maje kade rai tel tò karè ndát-ndát. Ke loon’t nè kuwe, banje ɔr ndát-ndát ra dingem’t nè nga tɔ.

Gir’n ke nè á, kɔbe nyan ra Jésu oso’n se loo-loo. Dooge ngain kebi nan reei rann’t le koo tà le’n a, njé ke nange dann de’t ke ei njératurge dejii le kade ɔr raturge le de kɔke a tɔ.