Popular Bible Verses from Jean 15

Share

Man m’ee kage nduu, sei sei balkum kage nduuge. Doo ke nanm kàde’m ade m’nain se’n a tɔ ɓaa, à ann ɗàk-ɗàk. Ke nè á m’nain se si lé ɓaa, sei asi ra nyan karé bè se dè ra si lé.

Umi se’m nan’t bɔk titeke man géa m’um’m se si nan’t bɔk nga tɔ. Balkum kage nduu ke ube kàde kage nduu’t lé nga asekum kann se dè ra’n lé. Sei géa, ke nè á i nanmi kàdem’t lé ɓaa, asi kanni se dè ra si lé tɔ.

Ke nè á i nanmi kàdem’t a, tàge le’m urkei kêm si’t a tɔ ɓaa, nyan ke sei ndigi á i deji nga a ingei.

E sei á ɔri man lé, nè è man á m’ɔr sei m’unde sei tede kade awi a, anni se kann si a, tede kade kann si tò tutu a tɔ. Titeke bè á nyan malang ke sei deji Bɔ’m se ri’m nga, à ade sei kuwe.

Kade doo karé inye ra’n ade yo tede le madennge nga, è tár ke gar’n goto.

Balkum nduu ke rara ke ube kàdem’t á ann’n lé ɓaa, d’a tuge’n gang’n kɔke. Nè balkum nduu ke rara ke ann ɓaa, Bɔ’m ra’n náng-náng kade ann ɗàk-ɗàk dum ke kété.

An-in! ndukunn le’m a tò nè: I tári nan titeke man géa m’tár’n sei bè tɔ.

Ke nè á anni se kann si ɗàk-ɗàk ɓaa, d’a d’ile’n riɓar dè Bɔm’t a, a i teli k’ei njékuwe-girmge a tɔ.

– Man nga m’ee kage nduu ke get. Bɔ’m è kuwe-ndɔr nduu.

Ke nè á doo nanm kàde’m lé ɓaa, d’a d’ile’n nata kɔke tite balkum nduuge bè kade tutu. Balkum kage nduuge ke tutu nga, d’a d’ɔi de korè dè nan’t le ró de rák-rák.

Man m’ede sei tàge nè nga tede kade ranel le’m ur’n kei kêm si’t a, tede kade dè ranel le si ɔr’n njêt a tɔ.

Man m’an dè ndukunnge le Bɔ’m sêw-sêw á m’nain’n dann tár’t le’n. Sei géa, ke nè á an-in dè ndukunnge sêw-sêw ɓaa, a i nain-in dann tár’t le’m tɔ.

Nyan ke m’unn ndu’m dè’t m’ade sei á tò nè: I tári nan.

Ke nè á sei le dè nang nè ɓaa, njé ke dè nang nè ayé ndigi sei tede ei ndigi nyan ke è nyan kinge de tá. Sei nga, sei le dè nè nang lé; nè è man kuwe m’tɔr sei dann de’t kɔke m’unde sei se ninn’n dè nang nè. Gir’n ke nè á njé ke dè nang nè ɔri sei njêt.