Popular Bible Verses from Maki 6

Share

É ka ɖɔ nú yě ɖɔ: “Mi wá mǐ ní jɛ vo fí e mɛɖé ma ɖe ǎ é, bónú mi ná gbɔjɛ́ kpɛɖé.” Đó mɛ e wá ɖo yě ba kpɔ́n wɛ lɛ́ɛ sukpɔ́, bɔ mɛ ɖě ɖo wǐwá wɛ ɔ́, mɛ ɖě nɔ́ ɖo yiyi wɛ káká bɔ Jezu kpódó ahwanvú tɔn lɛ́ɛ kpó sɔ́ mɔ tɛn ná ɖu nǔ vɔ́vɔ́ ǎ.

Jezu ka ɖɔ nú yě ɖɔ: “Mɛ bǐ wɛ nɔ́ sí gbeyíɖɔ Mawu tɔn; to tɔn mɛ nu lɛ́ɛ, hɛ̌nnumɔ tɔn lɛ́ɛ, kpódó xwé tɔn gbe nu lɛ́ɛ kpán jɛ́n ma nɔ́ sí i ǎ.”

Ée Jezu wá jɛ te sín tɔjíhún ɔ́ mɛ wá agě jí ɔ́, é mɔ gbɛtɔ́ wɔ̌buwɔ́bú ɖé lɛ́ɛ, bɔ nǔ yětɔn blá wǔ n'i; ɖó yě cí lɛ̌ngbɔ́ e má ɖó lɛ̌ngbɔ́nyitɔ́ ǎ é ɖɔhun. Énɛ́ ɔ́, é jɛ nǔ gěgé kplɔ́n yě jí.

Jezu ka sɔ́ jlɛ́ nǔ ɖaxó ɖé ɖo fínɛ́ zɛ azinzɔnnɔ kwín we e jí é ɖó alɔ, bó gbɔ azɔn ná lɛ́ɛ wú ǎ. Nǔ e yě ma ɖi n'i ǎ ɔ́ kpácá ɛ, bɔ é gosín fínɛ́, bó yi jɛ nǔ kplɔ́n mɛ lɛ́ɛ jí gbɔn gletoxo e sɛ yá fínɛ́ lɛ́ɛ mɛ.

É yí wɔ̌xúxú atɔ́ɔ́n lɛ́ɛ kpódó hweví we lɛ́ɛ kpó; é kpɔ́n jǐnukúnsin, bó dó kú nú Tɔ́ ɔ́. Énɛ́ ɔ́ gúdo ɔ́, é kán wɔ̌xúxú lɛ́ɛ, bó sɔ́ nú ahwanvú tɔn lɛ́ɛ, nú yě ní má nú mɛ lɛ́ɛ. Jezu lɛ́ má hweví we lɛ́ɛ nú yě bǐ. Yě bǐ ɖu nǔ, bó gɔ́ xo ganjí. È kplé wɔ̌xúxú kpódó hweví e yě ɖu kpo ɔ́ kpó, bɔ é gɔ́ xasun wěwe.