Popular Bible Verses from Maki 13

Share

Mɛ bǐ ná gbɛ́ wǎn nú mi ɖó nyɛ wú; lo ɔ́, mɛ e ná dɛ ɖo ya énɛ́ lɛ́ɛ nu káká yi fó ɔ́, è nǎ hwlɛ́n ɛ gán.

Mi cɔ́ miɖée, bó ɖo acéjí, ɖó mi tunwun hwe ɔ́ nu ǎ.

Ényí è ka wá wlí mi xwe hwɛ nukɔn hǔn, mi ma ɖo tamɛ gba wɛ, bó ɖo nǔ e mi ná yi ɖɔ ɖo dɔ̌n, bó ná dó hwlɛ́n miɖée ɔ́ linkpɔ́n wɛ ó; nǔ e Mawu ná sɔ́ dó ayi mɛ nú mi hwenɛ́nu ɔ́ wɛ mi ná ɖɔ, ɖó mi wɛ ɖo xó ná ɖɔ wɛ ǎ, Yɛsinsɛn wɛ.

Jǐnukúnsin kpódó ayǐkúngban kpó ná vɔ, amɔ̌, xó ce lɛ́ɛ ná vɔ gbeɖé ǎ.

“Mɛ ɖé tunwun azǎn ɔ́ ǎ; mɛɖé ka tunwun gan ɔ́ mɛ ǎ; wɛnsagun Mawu tɔn lɛ́ɛ tunwun ǎ; nyɛ Mawu ví ɔ́ ɖésú tunwun ǎ; Tɔ́ ɔ́ ɖokpónɔ géé wɛ tunwun.

Hwenu e mi ná se ɖɔ è ɖo ahwan fun wɛ, bó ɖo ahwan xó ɖɔ wɛ ɔ́, ado ní má hu mi ó; nǔ wɛ nyí bó ɖó ná jɛ; lo ɔ́, é ka ko nyí ɖɔ gbɛ ɔ́ wɛ ko ɖo nǎ vɔ wɛ nɛ́ ǎ.

Hǔn, mi bo nɔ acéjí, ɖó mi tunwun hwenu e xwétɔ́ ɔ́ na lɛ́ kɔ wá dó ɔ́ ǎ; é sixú nyí gbadanu, é sixú nyí zǎnxwete, é sixú nyí kokló kɔ́ así, abǐ zǎnzǎn tɛɛn. Mi ma lɔn nú é wá fyán mi, bó mɔ mi ɖo amlɔ mɛ ó. Nǔ e ɖɔ nú mi wɛ un ɖe ɔ́, mɛ bǐ ɖɔ ná wɛ un ɖe; mi bo nɔ acéjí.”

Akɔta ɖě ná sí te dó ɖě jǐ, axɔ́súɖuto ɖě ná sí te dó ɖě jí, ayǐkúngban ná dán wǔ gbɔn fí tɛnmɛ tɛnmɛ, adɔ ná tɔ́n. Nǔ énɛ́ lɛ́ɛ wɛ ná nyí bǐbɛ́ wǔvɛ́mimɔ lɛ́ɛ tɔn.

Đó è ɖǒ ná jlá Wɛn Ɖagbe Mawu tɔn ɔ́ akɔta lɛ́ɛ bǐ hwɛ̌.

Đó mɛ gěgé ná sɔ́ nyǐkɔ ce bó ná wá xwetɔ́n bó ɖɔ: ‘Nyɛ wɛ nyí Klísu ɔ́,’ lobo ná flú mɛ gěgé.

“Amɔ̌, midɛɛ lɛ́ɛ ɔ́, mi hɛn ayi mitɔn, bó nɔ acéjí, ɖó yě ná wá dó tagba nú mi, bó ná nɔ́ kplá mi yi hwɛ nukɔn; yě ná nɔ́ xo mi ɖo kplɔ́ngbasá lɛ́ɛ, yě ná nɔ́ kplá mi yi axɔ́sú lɛ́ɛ kpódó tokpɔngán lɛ́ɛ kpó nukɔn, ɖó nyɛ wú, bónú mi ná nɔ́ ɖe kúnnu nú mì ɖo nukɔn yětɔn.

Đó mɛ e nɔ sɔ́ yěɖée dó ɖó Klísu ná lɛ́ɛ kpódó mɛ e nɔ sɔ́ yěɖée dó ɖó gbeyíɖɔ Mawu tɔn ná lɛ́ɛ kpó ná wá xwetɔ́n. Yě ná nɔ́ jlɛ́ nǔ, bó ná nɔ́ ɖe nǔdábaɖa lɛ́ɛ xlɛ́, bónú yě sixú kpé wú wɛ ɔ́, yě ná flú mɛ e Mawu cyán lɛ́ɛ.

“Lo ɔ́, azǎn énɛ́ lɛ́ɛ gbe, ɖo yajiji énɛ́ gúdo ɔ́, hwesivɔ́ ná dó zǐnflú; bɔ sun sɔ́ ná ná wěziza tɔn ǎ, bɔ sunví lɛ́ɛ ná jɛ ayǐ sín jǐnukúnsin, bɔ è nǎ húnhún acɛkpikpa e ɖo jǐnukúnsin lɛ́ɛ.