Popular Bible Verses from Matíe 27

Share

Ée é wá su hwelɛ́kɔ ɔ́, Jezu sú xó gǎngán ɖé, bó ɖɔ: “ Eli, Eli, lama sabakitani. ” (Tínmɛ tɔn wɛ nyí: “Mawu ce, Mawu ce, nɛ̌ ka gbɔn bɔ a jǒ mì dó.”)

Azɔn ɖokpó ɔ́, avɔ ɖaxó e ɖo sinsɛnxɔ mɛ ɔ́ dá ɖó we, sín jǐ wá do; ayǐkúngban dán wǔ, bɔ awǐnnya lɛ́ɛ zɛ. Yɔdo lɛ́ɛ hun, bɔ mɛɖeɖóvo Mawu tɔn e kó kú lɛ́ɛ gěgé fɔ́n.

Jezu lɛ́ sú xó ɖaxó ɖé, bó bɔnu.

Ée sɔ́ja kanwekogán ɔ́ kpódó sɔ́ja e ɖo Jezu cɔ́ xá ɛ wɛ lɛ́ɛ kpó mɔ lě e ayǐkúngban dán wǔ gbɔn, bó mɔ lě e nǔ lɛ́ɛ jɛ gbɔn ɔ́, xɛsi ɖaxó ɖé jɛ yě jí, bɔ yě ɖɔ jí: “Nya élɔ́ ɔ́, Mawu ví wɛ é nyí nǔgbó.”

Sín gan wěwe mɛ káká yi jɛ gan atɔn mɛ ɔ́, ablu cyɔ́n to ɔ́ bǐ.

Pilátu ka kanbyɔ́ yě ɖɔ: “Jezu e è nɔ ylɔ́ ɖɔ Klísu ɔ́, nɛ̌ wɛ un ka ná wa éyɛ́ sín nǔ gbɔn?” Bɔ yě bǐ yí gbe bó ɖɔ: “Ká ɛ nyi aklúzu jí.” Pilátu ka lɛ́ kanbyɔ́ yě ɖɔ: “Nǔ nyanya tɛ́ wɛ é ká wa?” Yě ká sú xó syɛ́nsyɛ́n bó ɖɔ: “Ká ɛ nyi aklúzu jí.”