Popular Bible Verses from Matíe 23

Share

Mɛ e nyí gǎn mitɔn ɔ́ ɖó ná nyí mɛsɛntɔ́ mitɔn.

Mɛ e nɔ sɔ́ éɖée su ɔ́, Mawu ná sɔ́ ɛ hwe; mɛ e ka nɔ sɔ́ éɖée hwe ɔ́, Mawu ná sɔ́ ɛ su.”

“Heelú mi sɛ́nkplɔ́nmɛtɔ́ lɛ́ɛ kpódó Falizyɛn lɛ́ɛ kpó, yɛmɛnúwatɔ́ e mi! Mi nɔ ná mǎɖówǒ nǔhwɛ́nkún mitɔn lɛ́ɛ tɔn Mawu, bó ka nɔ jó nǔ e ɖo tají ɖo Mawusɛ́n mɛ lɛ́ɛ dó. Yě wɛ nyí: Hwɛjijɔ, nǔbláwǔkúnúmɛ, gbejíninɔ; nǔ énɛ́ lɛ́ɛ wɛ ɖo tají bɔ mi ɖó ná bló; amɔ̌, mi ɖó ná dó vɛ̌ nú nǔɖé lɛ́ɛ lɔmɔ̌ ǎ.

“Heelú mi sɛ́nkplɔ́nmɛtɔ́ lɛ́ɛ kpódó Falizyɛn lɛ́ɛ kpó! Yɛmɛnúwatɔ́ e mi! Mi nɔ klɔ́ ká kpódó agbǎn kpó gúdo; lo ɔ́, nǔ e mi fin lɛ́ɛ kpódó nǔ e mi hízí lɛ́ɛ kpó wɛ gɔ́ yě mɛ.

“Jeluzalɛ́munu e mi, Jeluzalɛ́munu e mi, mi mɛ e nɔ hu gbeyíɖɔ Mawu tɔn lɛ́ɛ, bo nɔ nyi awǐnnyaglo dó hu mɛ e Mawu nɔ sɛ́ dó mi lɛ́ɛ é! Azɔn mɔ̌kpán wɛ un ko jló ná kplé mi dó awa ce lɛ́ɛ glɔ́, lě e kokló nɔ kplé vǐ tɔn lɛ́ɛ dó awa tɔn lɛ́ɛ glɔ́ ɔ́ ɖɔhun. Lo ɔ́, mi jló ǎ.

Mi ɖésú ɔ́, mɔ̌ wɛ mi cí. Ɖó mi nɔ cí mɛ ɖagbe ɖɔhun ɖo gbɛtɔ́ lɛ́ɛ nukún mɛ, lo ɔ́, ayi mitɔn gɔ́ nú yɛmɛnúwiwa kpódó nǔ nyanya wiwa kpó.”