Popular Bible Verses from Mat 7

Share

«Loombeenu na sa baluha, sakeenu na sa lwadzuukila, komboteenu na sa baludzubukila

bukuri mpisi wunde wuloombo, lo taamburi, wusaka, lo dzuukiri, na kuri wukomboto, sa bamudzibukila.

«Mpisi muutu wuyuka maampu ma me mamama, na wumasariri, lo sa bamufwanikisa na muutu walubuka, watuunga nzo yaandi ha yulu tari.

«Ngo, myominso mi lutiiri ti baatu balurikila, yirikeenu bumosi kuri bo, bukuri mamo ngo mangisi na babikiri.»

Nkati mweelu wasweeteme na nzila se yasweeteme yinataa ku bumwooyo, na baatu bantele badzuukila yo.»

«Koteenu mu mweelu wasweeteme, bukuri mweelu wamunene na nzila yasaalila binataa ku nzimbukulu, na balaka bari mu kweendaa mu yo.

Ngo mbuti, beenu bangaa-bubi, luyaari kuha bikabu byabibwete kuri baala beenu, lo Taayi dya beenu dya ku yulu, buri kahele kuha bitotolo bibvuriri bubwete kuri babo bamuloombo.»

«Yaa lwetsuundisa ko, mpisi luhele kuba batsuundusu; bukuri mutsuundu wu lutsuundisa beenu, wunu nde se batsuundisila beenu; na kiteesu ki luteesele beenu kinikyo se baluteesele.

Ngo mpisi wuyuka maampu ma me mamama, ngo wahele kumasalila, lo sa bamufwanikisa na muutu wakiwulu, watuunga nzo ha yulu munyeenge.

Buri ye wutala kisesengu kiri mu diisu dya mpaangi yaaku, ngo kasi ye wahele kumono mubaangu wuri mu diisu dyaaku? Bunu pe buri ye wutsiitsa kuleele kuri mpaangi yaaku ti: "Hemese me nyisila kisesengu kiri mu diisu dya ye", kuri ye-meene wuri na mubaangu mu diisu dyaaku

«Seenee madyeele mu babikiri ba mampya, bo bari mu kwiisa kuri beenu kuri balwaata mikaanda mya bimeeme, ngo kunsa-kati bango-mbulu bansisi. Beenu sa lwabayaabila mu bimbutu byaaku. Buri lo bakaburi biburi mu mpaanga bunu pe ngenge mu munsensende?

Hango, mpisi muti wamubwete kubutaa bimbutu byabibwete; ngo kasi muti wamubi, kubutaa bimbutu byabibi.

Muti wamubwete kari kubutula bimbutu byabibi ko; bwobumosi seenee mu muti wamubi, kari kubutula bimbutu byabibwete ko.

Mpisi muti wahele kubuta bimbutu byabibwete, lo wa kukwaanga na wa kutuba ku mbaawu.