Popular Bible Verses from Luk 8

Share

Bibwiiri ha butoto bwabubwete, ngo babo bayuka maampu, mu mutima wamubwe na wayirima, bamakebe, babuta bimbutu kuri banamitina.»

Bibwiiri kunsa manseende, ngo babo bamwaayuka, ngo minyoongi, busina na biminu bya kidziingu bikwebaswetekese mu nzila, na bahele kutubuka ku kuyele.

Bari ha yulu tari, ngo babo bari bu bayukiri, bataamburi maampu mu kiminu, ngo kasi bo bahele na myaansi. Bo basa kanyi mu mwaa-ntaangu mosi, ngo mu ntaangu ya nsindukulu basasukiri.

Nde waleele kuri bo ti: «Kanyi dya beenu kuri diri?» Bo babwiilikila boomo, bakimuka na balelesene bo na bo ti: «Bee sa nde na kari, kuri lo nde wutuma na biteembu na maampa, na byo bimutambukila?»

Luteembu lwa nzila ngo baatu bari, bamana kuyuka maampu, ha mambisa haho, dyabulu wiisiri, na yisiri maampu mu mitima mya bo, mu kubata kuri ti bakwiisa kusa kanyi na baba babvuukusu.

Bukuri, kuri kyasweeku ko, kihele kuba kyamonokono; na kuri nsweeki ko, yihele kuba yayabakina na pwelelee.

Mukyeetu kamonaa ti bamuyaabiri, wayisa kuri wukwetekete, wabwa ha busu bwa Yesu, waleele ha busu bwa baatu bobanso, mu nkya ntoono nde kamubeleminye, na dyaburi nde katsiinikini ha nsi na nsi. Yesu waleele kuri nde ti: «Mwaana me wa mukyeetu, kanyi dyaaku dikubvuukisiri. Yende mu kiyeengi.»

Bu bakokosolo, basiimbila Yesu na bamuleele ti: «Muyikisi, muyikisi, beetu tufuukiri.» Bu kasiimbuka, nde waŋaŋana kiteembu na mipaku myamakwa, na byo byahoto, na kidzuunu kyamonoko.