Popular Bible Verses from Yow 19

Share

Yesu bu kanwa bviinya dyansa, waleele ti: «Bukukiri!» Bu kateengeke mutu, muwuumunu watabuka.

Ha mambisa haho, Yesu kayaaba ti momanso ma mwaayirima, kuri heki matinu meende mu mana, nde waleele ti: «Me nyeki na mpwiisu.»

Hango Yesu kamonaa muyiki wu kaba tyaanaana, na nguri wateleme ha teke muyiki wunde, waleele kuri nguri yaandi ti: «Mukyeetu, mwaana waaku ndewu.» Tumi nde waleele kuri muyiki ti: «Nguri yaaku yoyi». Kuholosono kilookolo kikyo, muyiki waholo Mariya ku nzo yaandi.

Bu batubuka kuri Yesu, bamono ti, waba mwaafwa, hango-nkuumbu, basii kumubokolo miilu ko. Ngo kasi, mosi mu bayongolo, mu dyoongi dyaandi, wamutobolo lubaansi, na ha nsi na nsi, makila na maampa byapala.

Misamu mimyo myayirimini, mpisi heki matinu, meende mu mana: «Ka bamubokolo muyisi ti mosi ko.» Matinu makaka maleele ti: «Bo sa batala kuri wunde wu baba tobolo mu dyoongi.»

Bu kaba mu kwenata kuruwa nde-meene, nde wapala mu kweende ku kibeendu ki baleela ti «Kibeendu kya kiteengi kya mutu», ki baleelaa mu kihebeleho ti «Ngolongota.»

Bayongolo bayirika lukoongolo lwa manseende, bamutetekele lwo ha yulu mutu, na bamulwiika kiyuungu kyabeenge.