Popular Bible Verses from San Juan 6

Share

Ja Jesús jei ichupecuera: Che catu pe Mbuyape pe Moingovéjarâ. Upe ouva Che rendape máramo no ñembyajyi chene, ja pe oyeroviáva Che reje, máramo nda iyŷujei chene.

Pe Espiritu voí, upéva catu pe ñane moingovéjarâ. Pe ñande roo naipôrâi mbaevetérâ. Coa ñeê Che jae vaecue peême, cova catu ñane anga rejegua ja omoingovéjarâ. Upeicharamo yepe oime pene paume oguerovia-ŷ-va.

Ani pembaapó pe tembiu ituyú vaerâ reje, pe tembiu opyta vaerâ rejente pe Tecové iyapyraŷ vaerâ meve yepe, upe omeê vaerâ peême pe Caraí Raŷ, pe Tûpâ Ñandeyára pe Tûva omoingo vaecue upearâ voí.

Cova voí Che Ru rembipota, pe omaêva guive pe Tayra reje ja oyeroviáva Jese oguereco jaguâ pe Tecové iyapyraŷva, ja Che avei amoingove yebyne ichupe pe ára ipajávape.

Ja oñeê Jesús ja jei ichupecuera: ¿Pe Tûpâ Ñandeyára rembiapoucapy pico? cova jae, peyerovia jaguâ pe Jemimbou reje.

Opa umi omeê vaecue Cheve Che Ru, ou vaerâ Cheve, ja upe ouvape Che rendape mbaevéicharamo na mombói chene Chejegui.

Jei voí Simon Pedro: Ore Yara, ¿avapepa rojota? Nde catu rereco ere vaerâ oreve pe Ñeê ore moingové vaerâ tapia guârâ.

Che catu pe Mbuyape oicoveva ogueyŷ vaecue yvagui. Oime ramo jouva co Mbuyape oicovéne tapia guârâ. Pe Mbuyape ameê vaerâ, upéva catu Che roo vointe ameê vaerâ umi ybypóra cuera moingové jarâ.

Ndicatui avave ou Che rendape ogueru ŷ ramo ichupe pe Tuva pe Che mboujare ja Che amoingové yebyne ichupe pe ára pajávape.

Pe Tûpâ Ñandeyára mbuyape, upéva catu upe ogueyŷ vaecue yvaga gui umi ybypóra omoingovéjarâ.

Che catu pe mbuyape pe omoingovéjarâ.

Upei catu Jesús oipyjy umi mbuyape ja ojovasá ja omboyaoucá umi oguapy vaecuepe jina, ja upeicha avei umi pirai gui oipota jagueichante. Ja jyvâtâmbáma ramo Jae jei jemimboecuerape: Pemonoômba umi mbuyape akytâ jemby vaecue anichene jaguâ ocañŷ reí mbaeve.

Ja oyeóima ramo pype jicuai mbojapŷ terâ irundŷ kilometro, ojecha Jesúspe oguata ramo pe yguasú rova ári ja oñemoângui ouvo pe imbayrú gui jaecuera okyjŷyé Ichugui. Upei catu Jae jei ichupecuera: Che jae! Ani pekyjŷyé!