Popular Bible Verses from San Juan 10

Share

Oikene ja osê yebyne ja oyujune capii pôrâ. Upe mondajá omonda oúvonte, ja oyuca ja ombuai ouvo. Che catu ayu vaecue oñemoingové jaguâ jaecuera ja oñemoingovété yoa yoa jaguâ tapia guârâ.

Che catu pe ovecha rerecuá imbaepôrâiteva. Pe ovecha rerecuá pôrâ yeroviajá omeê oguecové yepe iyovecha rejejape.

Che ovecha cuera voínte ojendu Che ñeê ja Che aicuaa ichupecuera, ja jaecuera ou Che rapycueri.

Che ameê ichupecuera pe Tecové iyapyraŷva ja máramo nocañŷchene, ja ndipóri chene avave omboí vaerâ ichupecuera Che po gui.

Che catu jae pe okê. Oime ramo oikéva Che rupi, upeva catu naimârâi chene.

Che catu pe ovecha rerecuá imbaepôrâitéva ja Che aicuaa Che rymba cuerape, ja umi Che rymba Che cuaa Cheve, Che cuaa jaicha Cheve pe Túva

Pe omeê vaecue Cheve, Che Ru, upéva catu tuvichave Cheve opa mbaegui, ja ndipóri avave icatúva omboí Che Rú po gui. Che ja Che Ru peteîchante voí.

ja Che aicuaa jaicha pe Túvape, ja ameêta aina Che recové umi ovecha rejejape.

Ndipori avave omboíva Chejegui Che recové, Che aéte ameêta aina Cheyejegui vointe: iya Cheve ameê Che recové ja iya avei Cheve oñemeê yeby jaguâ Cheve. Cova voi Che Ru rembiapoucapŷ Cheve.

Upevareje Jesús jei yeby ichupecuera: Añeté Che jae peême catuetei, Che catu umi ovecha rokê.

Upe tembiyocuai ndajaeiva ovecha rerecuáité ja naimbaéiva umi ovecha, upéva catu ojechama ramo ou ramo pe aguará guasu ojeya voi umi iyovecha ja oñeguajê ja pe aguará guasu oyapi ichupecuera, ja omosarampipa.

Añete Che jae peême catuetei oime ramo oikeŷva ovecha corá pype okê rupi, oyupívante ambue tenda rupi, upéva catu mbaeabykyjá ja mondajá.