Popular Bible Verses from 1 Juan 4

Share

Pe poraŷjujápe ndaiyai yakyjŷyé jaguâ. Pe poraŷjú jaeteva omombo ocape pe kyjŷyejá. Pe kyjŷye oicojápe oico pyá tyai. Ja oime ramo okyjŷyéva nda jecopeguai iporaŷjú.

Peêcuera Tûpâ Ñandeyára rejegua voi, che raŷcueramimi, ja pende puacama umiva rejeve. Tuvichavé voi pe oiva pende pype umi ybypóra recopegua pype oiva gui.

Ñande yajaŷjú Jae ñande raŷjú jague reje.

Che rayjupára cuera, yayojayju oñondive. Pe mboraŷju Tûpâ Ñandeyára rejegua voi, ja oime ramo jayjujára, upéva Tûpâ Ñandeyára ñemoñaré ja oicuaa Tûpâ Ñandeyárape.

Pe ojayju-ŷ-va ndoicuaai Tûpâ Ñandeyárape. Tûpâ Ñandeyára voi pe poraŷju.

Cova pe poraŷju jaetéva ñande yajaŷjú-ŷ-ramo yepe Tûpâ Ñandeyárape, upeicharamo yepe, Jae ñande rayju ñandeve ja ombou Tayrape omoñyrôjarârâ ñane angaipa reje.

Upeicharamo, che rayjupára, ñande rayju rire Tûpâ Ñandeyára coicha, upeicha ñande avei yayojayju vaerâ oñondive.

Coicha oyecuaauca ñandeve Tûpâ Ñandeyára ñande rayjujá ñandeve ombou jaguepype Tûpâ Ñandeyára Taŷra peteîme ybyari ñande yaicove jaguâ Jaerupi.

Oime ramo jeiva ojaŷjújá Tûpâ Ñandeyárape, ja upeyaveve oñamotareŷva jina japichápe, iyapúva upéva. Pe ojayju-ŷ-vape japichápe ojecha vaecue ndicatui ojayju Tûpâ Ñandeyára ndojechai vaecuepe.

Oimeraêva omombeúva Jesus Tûpâ Ñandeyára Raŷjá, Tûpâ Ñandeyára opyta ipype, ja Jae opyta Tûpâ Ñandeyára pype.

Ja cova co jembiapoucapŷ yareco Ichugui voi, upe ojayjúva Tûpâ Ñandeyárape tojayju avei japichápe.

Che raŷjupára cuera, ani perovia opaichagua ânga rejeguape. Tecôtevê pejaâ pôrâ umi ânga rejeguape, yajecha Tûpâ Ñandeyára rejeguapa? Jeta oñemoñeê guau reíva oñemuasâi co ybyari. Coicha ñande yajechacuaa Tûpâ Ñandeyára Espiritu: oime ramo ânga rejegua omombeúva Jesu Cristo ou jague cuimbae ramo jete rejeve, upéva Tûpâ Ñandeyára rejegua

ja oime ramo ânga rejegua omomârâva Jesuspe, upéva na Tûpâ Ñandeyára rejeguavái, ja cóva voi pe Cristo reje iyaé-ŷ-va rejegua, pejendu jague ou vaerâjá, ja coanga voi oime yby ári.