Popular Bible Verses from Johannese 14

Share

Ulapirsaumik ᴋemaivigivapse, ulapirsautimnik tunitjivigivapse. Tunitjivigingilapse silaksoarmiut tunijiningititut. Omatise ᴋoaksârniaratik erᴋsiniaratiglo!

Jêsusib oᴋautivâ: Apᴋutauvunga mikseᴋârniovlungalo inôgutauvlungalo; Atâtamut pijoᴋangilak, uvapkut kisiane.

Ilinniartiminullo oᴋarpok: Ômatise ᴋoaksânganiaratik! Gûde okpervigisiuk uvangalo okpervigisinga!

Manigoijuble, Anernerûb ajunginerûb, Atâtama tilijomârtangata atimne, tâpsoma ajoᴋertorniarpâse tamainik, erᴋaitiluselo tamainik oᴋauserilauktamnik ilipsingnut.

Perᴋojamnik pilik, maliklugillo, tâmnauvok nagliktok uvamnik. Uvamnigle nagliktok nagligijauniarpok Atâtamnut, uvangalo nagliginiarpara nelojungnaitilugolo uvamnik.

Atâtalo tuksiarvigijomavara manigoijomik asimnik tunitjivioᴋovluse, ilipsingnêtsainarᴋovlugo isoᴋangitomut. Mikseᴋârnerub Anerninga, silaksoarmiut pijungnangitangat; takunginamitsuk ilitaringinamitsuglo. Ilipsele ilitarivase, ilagitsainarmase, ilipsingnêniarmallo.

Sumiglo tuksiarniarupse atimne, piniaromavunga, Atâta nertortauᴋovlugo ernermigut. Sumik tuksiarniarupse atimne, piniaromavunga.

Nagligigupsinga, perᴋojakka malingniarsigik.

Atâtama iglungane igluksaᴋarpok unuktunik. Taimainajangipat, oᴋautiginajalaukpara ilipsingnut. (Mânale) ainiarpunga iniksalioriartorluse.

Ainiarumalônêt iniksalioriartorluse, uteromagivunga, ailuselo uvamnut, tagvanêrᴋovluse najugamne.

Tômasib oᴋautivâ: Nâlegak ᴋaujimangilagut aiviksarnik, ᴋanorlo apᴋut ᴋaujimajungnarpitigô?