Popular Bible Verses from Genesis 8

Share

Nâlekablo naimavâ tippitsiariktoᴋ, ômamigullo oᴋarpoᴋ: Kingorngane nuna ominarsititsomairtara inuit pitjutigivlugit; inub ômatingata kajungilarningit ajortoᴋsôngmatta sorusioninganit, kingornganelo ômajut tamaita nungutitsomairtakka, sorlo pisimagama. Kingorngagut nunaᴋsûb uvlungit nâvlugit karngasuiviksaᴋ kattersuiviksarlo, itje kiaglo, aujaᴋ okiorlo, uvloᴋ unnuarlo sorairniatsangilat.

Noalo Nâlekamut tunerguserviliorpoᴋ, tigusivlunelo nergjutit ivsornaitut sunatuinait illanginik, tingmitjallo ivsornaitut sunatuinait illanginik, ôtaksanik tunerguserpoᴋ tunerguserviub ᴋângane.

Gudible Noa erᴋarpâ, ômajullo tamaita nergjutillo tamaita umiaᴋsoamioᴋatingit, anoremiglo anordlertitsivoᴋ nunab ᴋângagut, imaᴋsoarlo tinersoariarpoᴋ.

Taubiblo tâpsoma tikkipâ unnulermat, sunaubvalo, napârtub orᴋsuliub millukattanganik ômarmik kingmiartoᴋ. Tagva Noa tukkisilerpoᴋ imaᴋsoaᴋ miklisimangmat.