Popular Bible Verses from 2 Golintewaq 6

Share

Mut 'tgwatiwi'tij ta'nig mo getlams'tasulti'gw Nisgamal aq mut toqo lugwenew muta mo wijei teli gtlams'tasultiwoq. Jigs'tmug Gjinisgam ugt'tplutaqanm pas'g mo negmow jigs'tmi'tigup. Piltu angita'sultijig pa wijei aq tepgig aq na'gweg.

'Nnuoqta'wg mo tleiaulti'gw Gjinisgam 'gjia'sutuo'guomg. Ginu pa na wijei aq Gjinisgam 'gjia'sutuo'guom muta Gjinisgam ta'n iapjiw mimajit eig 'gtinnenaq. Pa wijei aq Gjinisgam teluep, “Maw mimajultitesnu aq mawi al'ta'tesnu. Ni'n na Gnisgamuow aq gilew na 'ntmimajuinuultitoqs'p.”

Aq Gjisaqamaw teluet, “Amujpa na puna'loqig aq nigtuita'ioq ta'nig mo getlams'tasulti'gw. Mut tla'taqatinew ta'n goqwei ntaqo'qona'litew aq ul'telmultoqs'p aq ugsua'lultoqs'p. Aq ni'n gujjuowitoqs'p aq gilew 'ngwisultitoqs'p aq ntusultitoqs'p.” Na ula teluet Gjisaqamaw ta'n iganpugutg 'ms't goqwei.

Wittoqwa'lug Se'suguli. Negm aq mn'tu ma gisi ul'te'tmi'ti'gw. Ta'n wen getlams'tasit ma gisi toqqwatmug ta'n wen mo getlams'tasigw. Ta'nig getlams'tasultijig geggunmi'tij ta'n goqwe'l Nisgamewe'l gatu ta'nig mo getlams'tasulti'gw mo geggunmi'ti'gw. Mo goqwei wijei geggunmi'ti'gw.