Popular Bible Verses from Matthew 4

Share

Zezì yets'ǫ̀ hadı, “Dıı hanì dek'eèhtł'è hǫt'e: ‘Dǫ sìı łèt'è zǫ t'à eda nıìle. Nǫ̀htsı̨ weyatıì hazǫǫ̀ t'à eda hǫt'e,’ ” yèhdı.

Zezì yets'ǫ̀ hadı, “Wehłı̨ı̨, sets'ǫǫ̀ naı̨tłe! Dıı hanì dek'eèhtł'è hǫt'e: ‘Nǫ̀htsı̨ naxıts'ǫ̀ K'àowo sìı ededı̨ zǫ wets'ǫ̀ nàgòahgè ha hǫt'e, eyıts'ǫ ededı̨ zǫ wek'èaht'e ha hǫt'e,’ dek'eèhtł'è,” yèhdı.

Hanìkò Zezì yets'ǫ̀ hadı, “Dıı hanì sı dek'eèhtł'è hǫt'e: Nǫ̀htsı̨ naxıts'ǫ̀ K'àowo sìı t'asìı nezı̨-le t'à weahdzà ha nıìle,” yèhdı.

Eyı tł'axǫǫ̀ Zezì wehłı̨ı̨ yeèhdzà ha Yedàyeh Nezı̨ı̨ ekìı-ka nèk'e ts'ǫ̀ ayį̀į̀là. Ekǫ dı̨ènǫ dzę ts'ǫ̀ t'asìı wı̨ı̨zìı wewàhǫǫdì-le, eyı tł'axǫǫ̀ sıì bò ghaewıì ajà.

Zezì gots'ǫ̀ hadı, “Sek'èahdè, dǫ łǫ ààhłì anaxehłe ha,” gòhdı. Ekòet'ıì edemį̀ ts'ǫǫ̀ nałegeèhtła gà Zezì k'èè łegeèhtła.

Ekìıyeè k'e Zezì dǫ hoghàgoehtǫǫ̀ ajà, hadı, “Edek'eahłı̨, naxınì eładı̨į̀ aahłe! Nǫ̀htsı̨ Wenàowoò k'ę̀ę̀ nèhòkw'ı ha ts'ǫ̀ whaà-le agòjà,” gòhdı.