Popular Bible Verses from 1 John 4

Share

Ełeghǫnets'eètǫǫ wedeèdlı̨ı̨ k'ę̀ę̀ ts'eeda nı̨dè ts'eejı̨ nıìle. Ekò gosınìyaetı gha ts'eejı̨ nı̨dè weghàà hòtł'ò ełeghǫnets'eètǫ-le wek'èhoedzǫ. Eyıt'à ts'eejı̨ nı̨dè deghàà ełeghǫnets'eètǫ nıìle.

Sèot'ı̨ı̨, naxı̨ sìı Nǫ̀htsı̨ gots'ǫ aaht'e, eyıt'à ı̨nì nezı̨-le gıghǫahnǫǫ aaht'e, ededı̨ naxıdzeè yìı nàdèe sìı dıı nèk'e ts'ǫ dǫ yìı nàdèe nahk'e elı̨ hǫt'e.

Nǫ̀htsı̨ ededı̨ t'akwełǫ̀ǫ̀ goghǫneètǫ ts'ıhɂǫ̀ goxı̨ sı ełeghǫnets'eètǫ hǫt'e.

Eyıt'à, seàgı̨ą, ełeghǫnets'ìıtǫ̀, ełeghǫnets'eètǫǫ sìı Nǫ̀htsı̨ wets'ǫ ne t'à. Amìı ełeghǫnegeètǫǫ sìı Nǫ̀htsı̨ gots'ǫ gıgǫ̀hłı̨ agı̨ı̨t'e, eyıts'ǫ Nǫ̀htsı̨ k'ègeezǫ hǫt'e.

Amìı ełeghǫnegeètǫ-le sìı Nǫ̀htsı̨ k'ègeezǫ nıìle, Nǫ̀htsı̨ ełeghǫnets'eètǫǫ elı̨ ne t'à.

Dıı hanì ełeghǫnets'eètǫǫ wedeèdlı̨ı̨ hǫt'e: goxı̨ dǫ ts'ı̨ı̨lı̨ı̨ sìı dànì Nǫ̀htsı̨ ghǫnets'eètǫ awèts'edı-le, hanìkò ededı̨ sıì goghǫneètǫ t'à Weza gohołı̨į̀ k'èxa gogha ełaı̨wı ha gots'ǫ̀ ayį̀į̀là.

Seàgı̨ą, Nǫ̀htsı̨ haı̨hcho ts'ǫ̀ goghǫneètǫ t'à goxı̨ sı sıì ełeghǫnets'eètǫ ha hǫt'e.

Nǫ̀htsı̨ dàı̨hcho ts'ǫ̀ goghǫneètǫǫ sìı dıı weghàà wek'èts'eezǫǫ̀ agǫ̀ǫ̀là: Weza wet'ǫ̀ǫ̀ ts'eeda ha goı̨hwhǫ t'à, Edeza ı̨łàet'ee zǫ dıı nèk'e ts'ǫ̀ ayį̀į̀là.

Amìı “Nǫ̀htsı̨ ghǫneehtǫ,” hadı hanìkò edèot'ı̨ nèlı̨-le nı̨dè hots'ì adı hǫt'e. Amìı edèot'ı̨ ghàeda kò yeghǫneètǫ-le sìı dànì Nǫ̀htsı̨ wegha wègaat'ı̨-le sìı ghǫneètǫ lì? Hanıı dǫ sìı Nǫ̀htsı̨ ghǫneètǫ-le hǫt'e.

Amìı, Zezì Nǫ̀htsı̨ Weza hǫt'e wegha ehkw'ı-ahodıı sìı, Nǫ̀htsı̨ yedzeè yìı nàdè hǫt'e, eyıts'ǫ ededı̨ sı Nǫ̀htsı̨ xè nàdè hǫt'e.

Nǫ̀htsı̨ dıı nàowo goghàı̨ɂǫ: Amìı Nǫ̀htsı̨ ghǫneètǫǫ sìı edèot'ı̨ sı goghǫneètǫ ha hǫt'e.

Seàgı̨ą, ı̨nì hazǫǫ̀ naxıgha ehkw'ı agııdì-le, hanìkò ı̨nì hazǫǫ̀ gıyatıì t'à gıahdzà, asį̀į̀ Nǫ̀htsı̨ wets'ǫ agı̨ı̨t'e lì. Nakwenàoɂǫǫ ehkw'ı gogede-le łǫ dıı nèk'e dǫ ta gį̀ı̨de hǫt'e, eyıt'à, hotıì gıyatıì xoahdı. Dǫ Nǫ̀htsı̨ wets'ǫ Įnì Degaı t'à gode nı̨dè dıı weghàà wek'èahsǫ ha: Įnì hazǫǫ̀ Zezì-Krı dıı nèk'e wegǫ̀hłı̨ hagedıı sìı Nǫ̀htsı̨ gots'ǫ agı̨ı̨t'e.

Hanìkò ı̨nì hazǫǫ̀, Zezì gıgha ehkw'ı-ahodı-le sìı Nǫ̀htsı̨ gots'ǫ agı̨ı̨t'e nıìle. Zezì-Krı k'èch'a elı̨ı̨ sìı wets'ǫ ı̨nì hǫt'e. Eyı ı̨nì sìı dıı nèk'e dǫ ta ts'ǫ̀ ade ha weghǫ aàhkw'o ı̨lè, dıì hòt'a dıı nèk'e ts'ǫ̀ ajà hǫt'e.