मिनु परमप्रभु यावेमी “गो इजीप्त रागीमी बाक्शो आं मुर आन श्येत ताता। मेको आन कली गेय पपाइक्ब आन पर्बम ङाक्नीमी। गो आन ङाक्शो नेंता, ताता। गो आन श्येत जशो तुइक्ताक्ङ। प्रस्थान २:२३ मिनु मेको आन कली इजीप्त रागी ङा मुरपुकीम गेशो श्येत रे प्रोंइनुङमी। गो आं मुर आन कली रिम्शो नु ठेयब रागी लाइक्नुङमी। मेको रागीम दूध नु खुदो शुश बाक्ब। मारेइ मारेइ यो शुश ग्रेल्ब। मेको रागी कनानी, हित्ती, एमोरी, परिज्जी, हिव्वी नु यबुसी आन बाक्तीक रागी बाक्ब।