Popular Bible Verses from १ पत्रुस 4

Share

नेल्‍ल क्‍येङा ठेयब मार बाक्‍ब देंशा हना, शुश दाक्‍मुचा बाक्‍ब। मारदे हना दाक्‍मुतीकेमी शुश पाप यो ग्‍याम्‍ब। हितोपदेस १०:१२; याकूब ५:२०

परमप्रभु यावेमी इन कली गेय का का पपाइश्‍शो बाक्‍त। मोदेंशो पा वारच पमुने। परमप्रभु यावेमी गेशो गेय रिम्‍शो पने।

सुमी लोव़ पाइबा, मेकोमी परमप्रभु यावे आ ख्रुइश्‍शो लोव़ पवल। सुमी गेय पाइबा, मेकोमी परमप्रभु यावे आ गेशो सक्तिमी पवल। मोपा नेल्‍लेमी येसु ख्रीस्‍त आ नेंमी परमप्रभु यावे कली ठेयब सेल्‍मेक्‍ल। मेको छेङछेङमी बाक्‍शा, गेना हना यो सक्ति पाइश्‍शो बाक्‍ब। आमेन। रोमी १२:७

तन्‍न गे थमा सुइक्‍ब दुम्‍शा, श्‍येत जाइतीनी हना, मुने मपने। येसु ख्रीस्‍त आ नेंमी परमप्रभु यावे कली ठेयब सेलीन। फिलिप्‍पी १:२०

रागी नु रागीमी बाक्‍शो मारेइ मारेइ नुप्‍चा चिक्‍शो बाक्‍तेक्‍म। मोपतीके इन गेय पचा ङोंइती मिम्‍शा नु आंम रां कली अरेशा प्रार्थना पने। १कोरिन्‍थी १०:११; १यूहन्‍ना २:१८

मिनु आं दाक्‍शो लोक्‍बपुकी, इन कली थुं थाम्‍चा ङा श्‍येत शुश दुम्‍त हना, महिनीन। मेको मारेइ ममाइ। इन थमा सुइक्‍तीके नाक्‍चा कली बाक्‍ब। १पत्रुस १:६-७ गे ख्रीस्‍त आ श्‍येत जशो खोदेंशो पा श्‍येत जाइतीनी हना, ग्‍येरसीने। मारदे हना आ छेङछेङ पा जाक्‍ची ना शुश ग्‍येरनीनी। प्रेरित ५:४१; याकूब १:२; रोमी ८:१७

मगाइक्‍थु बा‍स गेमुने।

मोपतीके परमप्रभु यावेमी सु कली श्‍येत जचा गेबा, मेकोपुकीमी ठीक गेय पशा, आंम थुं परमप्रभु यावे कली जिम्‍मा गेमेक्‍ल। परमप्रभु यावेमी आ मुर आन कली गेनायो मप्रोंइब। भजन संग्रह ३१:६

दोपा ख्रीस्‍त रागीम बाक्‍शा, श्‍येत जवा, मोपा गो नेल्‍ल श्‍येत जचा माल्‍नय, दे मिम्‍तीन। सु सु रागीमी श्‍येत जाइनीमी, मेको मरिम्‍शो पतीक कली प्रोंइने थुम्‍शो बाक्‍नीम। मिनु गे रागीमी बाक्‍नी सम्‍म इन दला दाक्‍स मपथु, परमप्रभु यावे आ दाक्‍शो पने।

ख्रीस्‍त आ नेंमी श्‍येत जाइतीनी हना, आसीक ताइब दुम्‍‍नीनी। मारदे हना छेङछेङ ङा परमप्रभु यावे आ सोक्‍त गे नु बाक्‍ब। मत्ती ५:११; एफिसी १:१३