Popular Bible Verses from San Mateo 27

Share

'lige 'ma abé alírikáchi ta'chó ma'chígichi, Esusi e'wele ne'ole bo'né ra'ichálila ra'íchaga. Regá anile: ―Elí, Elí, ¿lama sabáktani? Yeka pe aniame nile, «O'nó Onorúgame, O'nó Onorúgame, ¿chonigá bi'neli a'répaché mué ne'chí?»

'Liko aba'lige napu'lige e'wele sinale Esusi, alué wa'lú chiní napu wa'lú re'obachi chujkúgame nílige, 'ma chi'wale oká neraga nílale. 'Pákana chi'wale, wamí 'légana si. 'Lige gawítiri abiena nokale, 'lige rejté e'wele 'ma gajsile. 'Lige 'ma i'púriga jábale alé napu bi'tile suwígame. 'Lige asíriga we'ká ralámuli suwígame ku ajánele, alué napu Onorúgame oyérame nílige.

'Lige Esusi uchéchigo siné sinale asíriga a'wágame. 'Liko 'ma mukule.

'Liko alué gapitani 'lige sontálotiri napu Esusi repuka mochílige, napu'lige etesa gawí nokao, 'we majale 'lige anile: ―'La bijchiá Onorúgame Inolá nílekuru ye rió.

'Liko rawilírikáchi 'ma chóniga ilíbale bochígimi gawichí, 'ma nasípagana enegá ku rayénale alué rayénali

'Lige Pilátoka anile: ―'Lige Esúsika, alué napu Kristo anelime ju, ¿cholámala ne? 'Lige suwábaga nejele: ―¡Alueka gulusichi ujchigá me'libógurú! 'Lige Pilátoka rukele: ―¿Chonigá? ¿Tachiri najsabúgime kékó? Ralámulika pe abisibi bochí aniá jale tabilé akeme neraga: ―¡Me'liboa gulusichi ujchigá! ―anile.