Popular Bible Verses from Hebreo 10

Share

Ditayo liwayan ti panaggigimongtayo, kas ar-aramiden dagiti dadduma. Ad-adda pay koma ti panagpipinnaregtatayo, ita ta makitayo nga umasidegen ti Aldaw.

Panunotentayo no kasano ti panagtitinnulongtayo iti panagayat ken panagaramid iti naimbag.

Agtalinaedtayo ngarud a natibker iti namnamatayo agsipud ta mapagtalkan ti Dios a mangtungpal iti karina.

Masapul nga agibturkayo tapno maaramidyo ti pagayatan ti Dios, ket awatenyo ti inkarina.

Umasidegtayo ngarud iti Dios iti napudno a puso ken natalged a pammati. Wen, umasidegtayo a nadalus ti pusotayo—nadalusan iti dakes a konsensia—ken ti bagitayo a naugasan iti nadalus a danum.

Isut' gapuna a diyo pukawen ti namnamayo, ta yegna ti dakkel a gunggona.

No itultuloytayo pay laeng ti agbasol kalpasan ti pannakaammotay iti pudno, awanen ti uray ania a daton a makaikkat kadagiti basbasol. Awanen ti maaramidtayo no di aguray iti nakabutbuteng a pannakaukom ken ti gumilgil-ayab nga apuy a mangikisap kadagiti bumusor iti Dios.