Popular Bible Verses from Genesis 28

Share

Laglagipem nga addaakto kenka ket salaknibankanto iti amin a papanam. Isublikanto ditoy a daga. Dikanto baybay-an agingga a maaramidko ti amin nga inkarik kenka.”

Pagammoan, nakitana ni Yahweh nga agtaktakder iti dennana. “Siak ni Yahweh a Dios ni Abraham ken ni Isaac,” kinunana. “Itedkonto kenka ken iti kaputotam daytoy a daga a pagid-iddaam.

Nakariing ni Jacob ket kinunana, “Adda gayam ditoy a lugar ti APO! Diak ammo nga adda!”

Insapata ni Jacob ken ni Yahweh a Dios, “No addaka kaniak ket salaknibannak iti daytoy a panagdaliasatko, no ikkannak iti taraon ken kawes, ken no agsubliak a sikakaradkad iti balay ni tatangko, sikanto ti Diosko. Iti daytoy a lugar a nangipatakderak iti baton-lagip, agdaydayawto kenka dagiti tattao ket itedkonto kenka ti apagkapullo ti amin nga itedmo kaniak.”

Umadunto ti kaputotam—kaslanto tapok ti kaaduda. Agwarasdanto iti amin a lugar ket dawatento dagiti amin a nasion a bendisionak met ida a kas iti panangbendisionko kenka ken kadagiti kaputotam.

Pinanagananna ti lugar iti Betel. (Luz idi ti nagan daytoy nga ili.)