Popular Bible Verses from 1 Taga-Corinto 11

Share

Kasta met a kalpasan ti pangrabii, innala ni Jesus ti kopa ket kinunana, “Daytoy ti kopa ti baro a tulag a napatalgedan babaen iti darak. Tunggal uminumkayo iti daytoy, aramidenyo a panglagip kaniak.” Kaipapananna daytoy a tunggal mangankayo iti daytoy a tinapay ken uminumkayo iti daytoy a kopa, ipakaammoyo ti ipapatay ti Apo agingga iti panagsublina.

Ta inawatko iti Apo ti pannursuro nga inyawatko met kadakayo: Iti rabii a pannakaliput ni Apo Jesus, innalana ti tinapay. Kalpasan ti panagyamanna iti Dios, pinispisina ti tinapay ket kinunana, “Daytoy ti bagik nga agpaay kadakayo. Aramidenyo daytoy a panglaglagipyo kaniak.”

Ngarud, masapul nga umuna nga usigen ti tunggal tao ti bagina sakbay a mangan iti tinapay ken inumanna ti kopa. Ta ti siasinoman a mangan iti tinapay ken uminum iti kopa a dina ammoen ti kaipapanan ti bagi ti Apo, yegna ti pannakaukom iti bagina.

Isut' gapuna a ti siasinoman a mangan iti tinapay wenno uminum iti kopa ti Apo iti wagas a nakababain, makabasolto iti bagi ken dara ti Apo.

Tuladendak ngarud a kas iti panangtuladko ken ni Cristo.