Popular Bible Verses from ROMANOS 2

Share

¿Ni cha' laca nti' ma̱ cha' ná caca ji'i̱ cu'ma̱ ñi'ya̱ nu ndyaca ji'i̱ nu ngu' cuxi bi'? Cha' cuiñi, ná clyaá ma̱ ji'i̱ ycui' Ndyosi nu lo'o cua'ni cuayá' Ni ji'i̱ lcaa ñati̱; na nsta ma̱ qui'ya ji'i̱ ñati̱ bi', masi ndu'ni ma̱ la cui' tya'a cha' cuxi nu ndu'ni ngu' bi'. ¿Ni cha' laca ná ndube ti' ma̱ cha' tso'o tsa ntsu'u tyiquee ycui' Ndyosi ña'a̱ Ni ji'na? Ntucuá Ni cña ji'na, ndalo tsa tyiquee Ni ji'na; tso'o tsa nti' ycui' Ndyosi ña'a̱ Ni ji'na, cha' caja ñi'ya̱ nu tya'a̱chu̱' na ji'i̱ cha' cuxi nu ndiya tsa ti' na ji'i̱.

Lo'o cu'ma̱ ni, nchcui' tsa ma̱ ji'i̱ sca cha' cuxi nu ndyu'ni ñati̱; pana ná caja ñi'ya̱ nu cua'ni clyu ti' Ni ji'i̱ ycui' ma̱, nu lo'o nclyotu̱ ma̱ qui'ya nu ntsu'u ji'i̱ xa' ñati̱, lo'o jua'a̱ ycui' ca ma̱ ntsu'u qui'ya bi' ji'i̱ ma̱. Ñi'ya̱ ndu'ni cuayá' bese ji'i̱ ñati̱ cuxi, jua'a̱ ndu'ni ma̱, nu lo'o nchcui' ma̱ jua'a̱ ji'i̱ ñati̱; pana stu'ba ntsu'u qui'ya ji'i̱ ma̱ lo'o nu ñati̱ cuxi bi'.

Si'i cua laca ti ñati̱ nu ndu'ni tyaca'a ycui' Ndyosi ji'i̱, sca ti cuayá' ndu'ni Ni lo'o cua ña'a̱ ca ñati̱ chalyuu.

Ná caca tso'o cresiya ji'na cuentya ji'i̱ ycui' Ndyosi lo'o ndyuna ti na cha' liñi nu nda Ni lo'o na; sca ti si taquiya' na ji'i̱ cha' bi', si cua'ni na lcaa ña'a̱ cña nu ngulo Ni ji'na, li' caca tso'o cresiya ji'na cuentya ji'i̱ Ni.

Tsa̱ bi' tya Ni ji'na tsa ña'a̱ nu ngua'ni na lo'o nguti'i̱ na chalyuu

Pana nu ñati̱ cuxi ni, nu xcui' cha' ji'i̱ ycui' ca ngu' ntsu'u tyiquee ngu', tlyu tsa cha' ti'í ta Ni ji'i̱ ngu' bi'; ñasi̱' tsa ycui' Ndyosi ji'i̱ lcaa ngu' bi', cha' ná ntaja'a̱ ngu' taquiya' ngu' tsiya' ti ji'i̱ lcaa cha' liñi nu nclyu'u Ni ji'i̱ ngu', cha' ndijña tsa ti' ngu' ji'i̱ cua ña'a̱ ca cha' cuxi nu ña'a̱ ngu'.

Ná ntaja'a̱ ma̱ taquiya' ma̱ ji'i̱ cha' nu nchcui' ycui' Ndyosi lo'o ma̱, ná ntaja'a̱ ma̱ ca tyuju'u ti' ma̱ tsiya' ti; bi' cha' ndyanu cha' xcube' Ni ji'i̱ ma̱ lo'o tyalaa tsa̱, nu lo'o ña'a̱ ngu' cha' liñi tsa cua'ni cuayá' Ni ji'i̱ ñati̱ chalyuu.