Popular Bible Verses from ROMANOS 14

Share

Nu lo'o laca ycui' Ndyosi loo ji'na ni, ná ndulo tsa cha' ji'na cuentya ji'i̱ sca na nu ndacu na, sca na nu co'o na; nu ndulo tsa ji'na laca cha' tya̱a̱ Xtyi'i ycui' Ndyosi tyanu ne' cresiya ji'na, cha' ca tso'o cresiya ji'na xqui'ya Jesús. Bi' cha' ti̱ ti taca tyi'i̱ tyiquee na chalyuu, taca ca chaa ti' na xqui'ya ycui' Ndyosi; lcaa cha' bi' caca nu lo'o laca Ni loo ji'na. Li' tso'o ntsu'u tyiquee Ni ña'a̱ Ni ji'i̱ ma̱, lo'o jua'a̱ ñati̱ chalyuu cua'ni chi̱ ngu' loo ma̱, si cua'ni ma̱ lcaa ña'a̱ cña nu ngulu'u Cristo ji'na.

cha' caca na cña ji'i̱ ycui' Ndyosi, bi' cha' ndi'i̱ na lo yuu chalyuu. Nu lo'o ntsu'u cha' cajaa na, cha' ji'i̱ Ni laca li', cha' na ji'i̱ ycui' Ni laca na, masi tya lu'ú na, masi cua ngujuii na.

Tso'o lacua. Lcaa tya'a na nga'a̱ cha' clyana na cua ña'a̱ ca cha' nu cua'ni cha' caca tyi'i̱ tso'o na lo'o tya'a ñati̱ na, ña'a̱ cha' nu cua'ni cha' xtyucua na ji'i̱ tya'a ñati̱ na, cha' tso'o ti tyi'i̱ na cuentya ji'i̱ Cristo

Nga'aa chcui' cuxi ma̱ ji'i̱ cña nu ndyu'ni scaa ngu' tya'a ngusñi ma̱ cha' ji'i̱ Jesús lacua. Ndi'ya̱ cua'ni ma̱ juani: nga'aa ta ma̱ tyempo ji'i̱ ngu' tya'a ma̱ cha' cua'ni ngu' cha' cuxi xqui'ya cu'ma̱.

Ntsu'u sca cha' nu nscua lo quityi cusu' nu nacui̱ ycui' Ndyosi ndi'ya̱: Ycui' Ndyosi lu'ú laca na', nacui̱ Ni, nga'a̱ cha' tyatu̱ sti̱' lcaa ñati̱ nde loo su ntucua na', cha' chcui' liñi ngu' lo'o tya'a ñati̱ cha' laca na' ycui' Ndyosi Sti ngu'. Bi' cha' lacua, lcaa na lo'o tya'a na nga'a̱ cha' xacui̱ na cha' ji'i̱ ycui' Ndyosi lo'o tyalaa tsa̱ bi', lcaa cha' ñi'ya̱ nu ngua'ni scaa na lo'o ñaa na chalyuu.

Tso'o ti chcui' ma̱ lo'o sca ñati̱ tya'a ngusñi na cha' ji'i̱ Jesús, masi tya lyiji ca cuayá' tso'o ti' cha' bi'; ná xu̱u̱ tya'a ma̱ lo'o nu ñati̱ bi' xqui'ya sca cha' nu ná nchca cuayá' tso'o ti'.

Ná tso'o si chcui' cuxi ma̱ ji'i̱ xa' la ñati̱ tya'a ngusñi na cha' ji'i̱ Ni. Ycui' Ndyosi laca Xu'na ngu', si'i cuentya ji'i̱ cu'ma̱ laca ngu' bi'; cuentya ji'i̱ ycui' Ndyosi laca cña nu ndyu'ni ngu', si cha' tso'o ndyu'ni ngu', si cha' cuxi ndyu'ni ngu'. Lo'o jua'a̱ ná tyacua cha' cuxi ji'i̱ ngu' xqui'ya cha' bi', cha' lo'o ngu' bi' ngusñi ngu' cha' ji'i̱ ycui' nu Xu'na na; jua'a̱ xtyucua Ni ji'i̱ ngu', cha' tyi'i̱ tso'o ti ngu' chalyuu cuentya ji'i̱ ycui' Ni.