Popular Bible Verses from SAN MATEO 25

Share

Lo'o li' na' nu laca na' loo tsiya' ti, chcui' na' chaca quiya' lo'o ngu' bi': “Cha' liñi nchcui' na' lo'o ma̱ juani, cha' lo'o nguxtyucua ma̱ ji'i̱ sca ngu' tya'a na' nu ntsu'u cha' ji'i̱ lo'o na', masi nguxtyucua ma̱ ji'i̱ sca ngu' ti'i ti, bi' tyempo ngua lo'o nguxtyucua ma̱ 'na”.

“Tso'o tsa cña nu ngua'ni nu'u̱”, nacui̱ xu'na msu bi' ji'i̱. “Sca msu tso'o laca nu'u̱, cha' tso'o tsa ndaquiya' nu'u̱ ji'i̱ cha' 'na. Sca cña sube ti nda na' jinu'u̱ tsubi', pana ta na' cña nu cua tlyu la jinu'u̱, cha' cua'ni nu'u̱ nde loo la. Stu'ba ti tyi'i̱ nu'u̱ slo na', cha' stu'ba ti ca tso'o tyiquee nu'u̱ lo'o na'”, nacui̱ xu'na bi' li'.

Jua'a̱ laca lo'o ñati̱ nu ntsu'u xi cha' ji'i̱, tya ta na' quiña'a̱ la cha' ji'i̱ ñati̱ bi', cha' quiña'a̱ la cha' tso'o tyu'u ji'i̱ ngu' bi'; pana ñati̱ nu xixi ca cha' ntsu'u ji'i̱, si ná nti' ngu' cua'ni ngu' cña lo'o, hasta xlyaá na' nu xti ti cha' nu ntsu'u ji'i̱ ngu' li'.

Tya nchcui' la xi Jesús lo'o ngu' li': ―Bi' cha' tii ti ti' tyi'i̱ ma̱ lcaa hora, cha' ná jlo ti' ma̱ ni tsa̱ ni hora ca̱a̱ na' chaca quiya', na' nu cua nda Ni 'na lijya̱a̱ cha' caca na' ñati̱.

Cu'ma̱ ni, cua nguxacu ma̱ 'na lo'o ntyute' na' nguti'i̱ na' nde chalyuu; nu lo'o nguityi na' hitya, cua nda ma̱ hitya ndyi'o na' li'; masi ná ndyuloo ma̱ 'na, pana cua nda ma̱ to' tyi ma̱ cha' nguti'i̱ na' li'

“Tso'o tsa cña nu ngua'ni nu'u̱”, nacui̱ xu'na msu bi' ji'i̱ yu. “Sca cña sube ti nda na' jinu'u̱ tsubi', pana ta na' chaca cña nu cua tlyu la jinu'u̱, cha' cua'ni nu'u̱ nde loo la. Stu'ba ti tyi'i̱ nu'u̱ slo na', cha' stu'ba ti ca tso'o tyiquee nu'u̱ lo'o na'”, nacui̱ xu'na yu li'.

lo'o quichi' ti na' su nguta'a̱ na' chalyuu, cua nda ma̱ late' ndyacu' na' li'; lo'o ngua quicha na' nde chalyuu, cua ya̱a̱ na'a̱ ma̱ 'na li', nguxtyucua ma̱ 'na; lo'o nga'a̱ na' ne' chcua̱, ná ndyutsi̱i̱ ma̱ ndyaa ma̱ slo na' li'.” Jua'a̱ ñacui̱ na' lo'o caca na' loo.