Popular Bible Verses from SAN LUCAS 15

Share

Li' ngutu'u yu ndyaa yu tyucui̱i̱ cha' ñaa yu nde to' tyi sti yu. ’Tya tyijyu' ñaa yu lo'o na'a̱ sti yu ji'i̱ yu. Hora ti ndyaa sti yu ndyacua tya'a lo'o yu; ngüityi sti yu ji'i̱ yu li', nchcuicha' sti yu ji'i̱ yu cha' ngua tya'na ti' sti yu ji'i̱ yu.

cha' ngua ti' na cha' cua ngujuii sñi' na' re, lo'o juani xa' ndyu'u tucua yu; cua nguna' yu ngua ti' na', lo'o xa' ndyalaa yu.” Hora ti nguxana ngua'ni ngu' sca ta'a li'.

Ndi'ya̱ ñacui̱ na' ji'i̱ ma̱: ca chaa tsa ti' ycui' Ndyosi lo'o ñati̱ ji'i̱ Ni ca su ntucua ycui' Ni ―nacui̱ Jesús ji'i̱ ngu' fariseo li'―, ca chaa ti' ngu' bi' masi sca ti ñati̱ chalyuu ca tyuju'u ti' ji'i̱ cha' cuxi nu ntsu'u ji'i̱, culochu̱' yu ji'i̱ cha' cuxi bi' li'. Ná ntsu'u cha' culacua ti' Ni cuentya ji'i̱ nu jacuayala tyii ntucua caa tya'a ñati̱ tso'o nu ná ntsu'u cha' cuxi ji'i̱ ngu', nti' ngu'.

Tso'o la tya'a na' nde to' tyi sti na' cha' chcui' na' lo'o: Sti na', ñacui̱ na' ji'i̱, cua ntsu'u tsa qui'ya hichu̱' na' cuentya ji'i̱ ycui' Ndyosi lo'o cuentya jinu'u̱, cha' nguta'a̱ yu'u ti na'.

Li' nacui̱ yu ji'i̱ sti yu: “Sti na'”, nacui̱ yu, “cua ntsu'u tsa qui'ya hichu̱' na' cuentya ji'i̱ ycui' Ndyosi lo'o jua'a̱ cuentya jinu'u̱. Nga'aa ntsu'u cha' ñacui̱ nu'u̱ cha' sñi' nu'u̱ laca na'.”

―Nu cu'ma̱ ni, si ntsu'u sca siyento tya'a xlya' ji'i̱ ma̱, lo'o li' nguna' tsaca ji'i̱ ma̱ ―nacui̱ Jesús―, ¿ha ná xtyanu ma̱ ji'i̱ nu quiña'a̱ la tya'a xlya' nu ndyanu taju ti su tso'o ti ndi'i̱ ni' ne' quixi̱'? Lo'o li' tsaa ma̱ tsaana ma̱ ji'i̱ xlya' nu nguna' bi' ji'i̱ ma̱ ña'a̱ cuayá' nu quije bi' ji'i̱ ma̱.